Subjects
Apostle
ናትናኤል፡
Nātnāʾel
Nathaniel
Nathaniel
Malkəʾ
-
- ሰላም፡ ሰላም፡ ለዕለተ፡ ክቡር፡ ፅንስከ፨
- ወለልደትከ፡ ትኩን፡ ትፍሥሕተ፡ ኅዝንት፡ እምከ፨
- እስራኤላዊት፡ ናትናኤል፡ ጽልሑተ፡ እስራኤል፡ ሕዝብከ፨
- እስመ፡ ኢኀደረ፡ ወኢተረክበ፡ ላዕሌከ፨
- እንዘ፡ በሥጋዌ፡ ትአጽር፡ ነጸርከ፡ አምላክ፨
-
- ሰላም፡ ለዝክረ፡ ስምከ፡ እንተ፡ ተሰምየ፡ ይሁዳ፨
- ምስለ፡ ሥዕርትከ፡ ወርእስከ፡ ክሉለ፡ ብርሃን፡ ጸዐዳ፨
- ዕሩቀ፡ ኵለንታ፡ ናትናኤል፡ እምልብሰ፡ ጽልሑት፡ ወዕዳ፨
- መሐርከ፡ ቅድመ፡ ኵሉ፡ ለወለተ፡ ዳዊት፡ ወልዳ፨
- ከመ፡ እምወላዲ፡ ተወልደ፡ ዘልደት፡ እንግዳ፨
-
- ሰላም፡ ለመቃብሪከ፡ ወለትንሣኤከ፡ በስብሐት፨
- በዕለት፡ እምርት፡ እንዘ፡ ኢእምርት፡ ዕለት፨
- ዐቃቤ፡ ሥራይ፡ ናትናኤል፡ በዕብሬትከ፡ ክረምት፨
- ተሰቅዩ፡ ጠለ፡ ፈውስ፡ ሕሙማነ፡ ነፍስ፡ አዝርእት፨
- ዘተዘርኡ፡ ወተገድፉ፡ በዓለም፡ ገራህት፨
-
- ሰላም፡ ለዕለተ፡ ሞትከ፡ በኢየሩሳሌም፡ ቅድመ፨
- እንተ፡ ተቀትለት፡ ነቢያተ፡ ወፈጣሬ፡ ኵሉ፡ ዳግመ፨
- ኤጲስ፡ ቆጶስ፡ ናትናኤል፡ ኀበ፡ ያዕቆብ፡ ተሰይመ፨
- ፍታሕ፡ ፍታሕ፡ በቃልከ፡ እማእሠረ፡ ጌጋይ፡ ዓለመ፨
- ወሕትም፡ በእዴከ፡ አፈ፡ ፀር፡ ግሩም፨
-
- ሶበ፡ ሐወጸኒ፡ ግብተ፡ ማሕሌተከ፡ እንግዳ፨
- አባእክዎ፡ ቤትየ፡ አምጣነ፡ ፈራህከ፡ ፍዳ፨
- ሐውጾተ፡ ድውይኒ፡ ዘትእዛዝከ፡ ይሁዳ፨
- ሐውጸኒ፡ ለዓለም፡ ለዘደወይኩ፡ በዐውዳ፨
- እንዘ፡ ለነፍስየ፡ ትጸውር፡ መፍቅዳ፨