Subjects
Angelic
ፋኑኤል፡
Fānuʾel
Phanuel
Phanuel
Malkəʾ
-
- ሰላም፡ ለከ፡ ሰዳዴ፡ ሰይጣናት፡ ፋኑኤል፡ ለእግዚአብሔር፡ እምጽርሑ፨
- ከመ፡ ኢይስክዩ፡ ሰብአ፡ እለ፡ ይኔስሑ፨
- ገቤጋይ፡ ዘዘዚአሁ፨
-
- ሰላም፡ ለከ፡ ሰዳዴ፡ አጋንንት፡ ፋኑኤል፡ እምገጸ፡ ፈጣሪ፡ ልዑል፨
- ኢያስተዋድዩ፡ ሰብአ፡ በነገረ፡ ሐጕል፨
- እስመ፡ አንተ፡ መልአከ፡ ሣህል፨
-
- ሰላም፡ ለከ፡ ሰይጣናተ፡ ስድድ፡ እምላዕሌየ፡ እግዚኦ፨
- ፋኑኤል፡ ትጉህ፡ መልአከ፡ አልፋ፡ ወኦ፨
- እስመ፡ ብየ፡ ሕገ፡ ተሰብኦ፨
-
- ሰላም፡ ለከ፡ ፋኑኤል፡ ግበር፡ ትእምርተ፡ ሠናየ፡ ላዕሌየ፨
- በኲናት፡ ጸሊም፡ ኢይርግዝ፡ ገቦየ፨
- ዘአንሀበ፡ በእንቲአየ፨
-
- ሰላም፡ ለከ፡ ለስምከ፡ ነሀብ፡ ለለ፡ ጽባሑ፡ ስብሐተ፨
- ፋኑኤል፡ ግበር፡ ኵሎ፡ ዕለተ፨
- ተራድኦ፡ ወአድኅኖተ፨
-
- ሰላም፡ ለከ፡ ፋኑኤል፡ ጴጥሮስ፡ ካህነ፡ ውሳጤ፡ ወአፍአ፨
- እመ፡ በበ፡ ዕለት፡ አበስኩ፡ በበ፡ ስብዕ፡ ስብዓ፨
- ፍት፡ሐኒ፡ ከመ፡ ተሠርዐ፨
-
- ሰላም፡ ለከ፡ ሰይፈከ፡ ምላህ፡ ዲበ፡ ጽርየ፡ ማስቴማ፨
- በዲበ፡ ትእዛዝ፡ ዘይፈጥር፡ ጻማ፨
- ፋኑኤል፡ መልአከ፡ ራማ፨
-
- ሰላም፡ ለከ፡ ዕቀበኒ፡ ዘልፈ፡ እግዚኦ፡ ወኢትኅድገኒ፡ እምዮም፨
- ፋኑኤል፡ ትጉህ፡ መልአከ፡ ሰላም፨
- እስመ፡ በጽኑዕ፡ ኀይልከ፡ ይድኅን፡ ድኩም፨
- ወበፈውስከ፡ ይጥዒ፡ ሕሙም፨