Details
-
- ሰላም፡ ለመንኮበ፡ እዴከ፡ እምነ፡ አፃብዕ፡ ዐሠርቱ፨
- ጥንተ፡ ተገምዶ፡ ዘኮነ፡ እስመ፡ በኵረ፡ ልደት፡ ውእቱ፨
- ያዕቆብ፡ ትቤሎ፡ ለዘይክሕድ፡ ትንሣኤ፡ ዝንቱ፨
- ኢትሬኢኑ፡ ሥርወ፡ ወይን፡ እምድኅረ፡ ገመድዎ፡ ሎቱ፨
- ዓፅቀ፡ ሐመልማል፡ ዘይሤኒ፡ ከመ፡ ይሠርፅ፡ ቦቱ፨
-
- ሰላም፡ ለካልኢት፡ አፃባዕትከ፡ እንታክቲ፨
- እምሥርወ፡ የማናይ፡ እዴከ፡ እንተ፡ አውቀይዋ፡ ላቲ፨
- ያዕቆብ፡ ትቤ፡ በቃለ፡ ሃይማኖት፡ አእኳቲ፨
- ክልኤ፡ አዕፁቀ፡ ዘተመትሩ፡ እምተክለ፡ የማንከ፡ ዛቲ፨
- እግዚአብሔር፡ ተወከፍ፡ ወተፈሣሕ፡ ባቲ፨
-
- ሰላም፡ ለተወክፎትከ፡ ጽእለተ፡ ብዑላን፡ በአርምሞ፨
- እንበለ፡ በቀል፡ ወተቀይሞ፨
- ያዕቆብ፡ ጽጌ፡ ወመዓዛ፡ ሕይወት፡ ቀናንሞ፨
- ለገብርከ፡ ድውየ፡ ሥጋ፡ እስመ፡ ትፌውስ፡ ሕማሞ፨
- መናፍስተ፡ ድዌ፡ አሰ|ስል፡ ኢይስብሩ፡ አጽሞ፨
- ተረፈ፡ መልክእ፡
-
- ሰላም፡ ለከ፡ ያዕቆብ፡ ግሙድ፡ ተወካፌ፡ መስቀል፡ ቡሩክ፨
- ከመ፡ አምኃ፡ ሰላመ፡ ልሳነ፡ መልአክ፨
- ለድንግል፡ እመ፡ አምላክ፨
-
- ሰላም፡ ለከ፡ ኣመ፡ በመጥባሕት፡ መተሩ፡ አባላቲከ፡ ወመሌሊተከ፡ ኵሎ፨
- አድከምከአ፡ ለሰይጣን፡ ኀይሎ፨
- ወቆምከ፡ በተጋድሎ፨
-
- ሰላም፡ ለከ፡ ቤተ፡ ክርስቲያን፡ ታስቆቁ፡ ቀዊማ፡ ወላሀ፡ ማርታ፡ ትላሁ፨
- ርእያ፡ ሥጋከ፡ እንዘ፡ ይጠብሑ፨
- ወደመከ፡ እንዘ፡ ይቀድሑ፨
-
- ሰላም፡ ለከ፡ እደ፡ ልቡና፡ ሐፀብከ፡ በማየ፡ አእምሮ፡ መጽሐፍ፨
- ወክሳደ፡ አብድ፡ መተርከ፡ በብልሐ፡ ሰይፍ፨
- ያዕቆብ፡ አበ፡ አእላፍ፨
-
- ሰላም፡ ለከ፡ ትደነግፅ፡ ነፍስ፡ ወያንቀለቅል፡ ሥጋ፨
- ሶበ፡ ለለ፡ ጊዜ፡ ይትነገር፡ ቅድመ፡ እንግልጋ፨
- ገድልከ፡ ሥርግወ፡ ጸጋ፨
-
- ሰላም፡ ለከ፡ እምኮከብ፡ ኮከብ፡ ከመ፡ ይኄይስ፡ ክብሩ፨
- ክብርከ፡ ይኄይስ፡ እምእለ፡ ተነግሩ፨
- ጻድቃን፡ በበ፡ ብሔሩ፨
-
- ሰላም፡ ለከ፡ ለዘይትቀነይ፡ ለከ፡ ማኅሌተከ፡ አምጣነ፡ ኵሉ፡ ማኅሠሥ፨
- ወዘአንበቦ፡ እንዘ፡ ይደርስ፨
- ሊቀ፡ ካህናት፡ ኢየሱስ፡ ክርስቶስ፡ ያንጽሐነ፡ እምጌጋይ፡ ወርኵስ፨