መልክአ፡ ዐቢየ፡ እግዚእ፡ Malkəʾa ʿAbiya ʾƎgziʾ

Image of ʿAbiya ʾƎgziʾ

    • ሥሉስ፡ ቅዱስ፡ እለ፡ ዕሩያን፡ በመንበር፨
    • ዜና፡ ውዳሴሁ፡ ንግሩኒ፡ ለዐቢየ፡ እግዚእ፡ ክቡር፨
    • እስመ፡ እምኔክሙ፡ ጸጋ፡ ወእምኔክሙ፡ ምክር፨
    • እንበለ፡ ምክርክሙሰ፡ አመ፡ ባህለ፡ ዕጹብ፡ ነገር፨
    • እምኢተመሰለ፡ ዮሐንስ፡ በንስር፨
    • ሰላም፡ ለዝክረ፡ ስምከ፡ ዘፊደለ፡ አሌፍ፡ ጥንቱ፨
    • ወዘፍጻሜሁ፡ በዝንቱ፨
    • ዐቢየ፡ እግዚእ፡ ጴጥሮስ፡ ለክርስቶስ፡ ኰኵሐ፡ ትእምርቱ፨
    • ዘተሐንጸ፡ በላዕሌከ፡ ጽኑዐ፡ መሠረት፡ ውእቱ፨
    • ወቅድመ፡ ነፋሳት፡ ይቀውም፡ ሶበ፡ ነፍሑ፡ ቦቱ፨
    • ሰላም፡ ለመቃብሪከ፡ ዘዕሩይ፡ መጠና፨
    • ምስለ፡ ደብረ፡ ታቦር፡ ወደብረ፡ ሲና፨
    • ዐቢየ፡ እግዚእ፡ ነዓ፡ ምስለ፡ ገብርኤል፡ መልአከ፡ ዳኅና፨
    • ታብዕለኒ፡ በንዋዮሙ፡ ውዱሰ፡ ነገር፡ ወዜና፨
    • ለኢየሉጣ፡ ሰማዕት፡ ወቂርቆስ፡ ሕፃና፨
    • ኦዐቢየ፡ እግዚእ፡ ንዋየ፡ ልቡና፡ ማሕሌተ፨
    • አምጣነ፡ አቅረብኩ፡ ለከ፡ ከመ፡ ይኩንከ፡ ጸባሕተ፨
    • በእንተ፡ ማርያም፡ ድንግል፡ እንተ፡ አግመረት፡ እሳተ፨
    • ልቡናከ፡ ይዘከረኒ፡ ኵሎ፡ ዕለተ፨
    • ንሣእ፡ ንሣእ፡ ወተወከፍ፡ አንተ፨