መልክአ፡ ዲዮስቆሮስ፡ ወሳዊርያኖስ፡
Malkəʾa Diyosqoros wa-Sāwiryānos
Image of Dioscorus and Severian
-
- ማሕሌተ፡ ዲዮስቆሮስ፡ አብ፡ ወሳዊርያኖስ፡ ክቡር፨
- እለ፡ መገቡ፡ ዓለመ፡ በዘእስክንድርያ፡ መንበር፨
- አሥተናስኡኒ፡ እጽሐፍ፡ ሥላሴ፡ አጋእዝተ፡ ሰማይ፡ ወምድር፨
- ዘይሰአነክሙ፡ ምዕረ፡ አምጣነ፡ አልቦ፡ ነገር፨
- እመኒ፡ በየብስ፡ ወልዑል፡ ጠፈር፨
-
- ሰላም፡ ለዝክረ፡ ስምክሙ፡ ወለሥዕርትክሙ፡ ዓዲ፨
- ዘኈለቍዎ፡ ሥላሴ፡ አማልክተ፡ ኵሉ፡ ሰጋዲ፨
- ዲዮስቆሮስ፡ አብ፡ ወሳዊርያኖስ፡ ወላዲ፨
- አድኅኑኒ፡ ለወልድክሙ፡ እምእሳተ፡ ፍዳ፡ ነዳዲ፨
- በጽድቀ፡ ዚአክሙ፡ ዕንቍ፡ ዘትጉህ፡ ነጋዲ፨
-
- ሰላም፡ ለፀአተ፡ ነፍስክሙ፡ ድኅረ፡ ሠርቀ፡ ዕለት፡ ማርያ፨
- አመ፡ ወርኃ፡ ቲቶ፡ ቡሩክ፡ ዐውደ፡ አመተ፡ ግብጽ፡ ወኢትዮጵያ፨
- ዲዮስቆሮስ፡ ክቡር፡ ወሳዊርያኖስ፡ ዘእስክንድርያ፨
- አሥዩኒ፡ እስመ፡ ኀለይኩ፡ ማኅሌተ፡ ክብርክሙ፡ ነያ፨
- ሀገረ፡ ሥላሴ፡ ቅድስት፡ ዘመንክር፡ ዕበያ፨
-
- ሰላም፡ ለበድነ፡ ሥጋክሙ፡ ማኅደረ፡ ጥዒና፡ ወፈውስ፨
- ለግንዘትክሙኒ፡ ወዝኅርክሙ፡ ቅዱስ፨
- ዲዮስቆሮስ፡ ሊቅ፡ ወሳዊርያኖስ፡ ርእስ፨
- ይእሰዩኒ፡ ድኅረ፡ ሥላሴ፡ ዕሤተ፡ ተድላሃ፡ ለነፍስ፨
- ፍዳ፡ ስብሐትየ፡ ኪያክሙ፡ በስብሐት፡ ሐዲስ፨