Bibliography
Z
Cerulli, Enrico. “Tiberius and Pontius Pilatus in the Ethiopian Tradition and Poetry,” 141–58. Proceedings of the British Academy 59. Oxford: Oxford University Press, 1975.
-
- መሠረተ፡ ፈቃድ፡ አስተናይፍኩ፡ ከመ፡ ጠቢብ፡ ሊቀ፡ ፀረብት።
- ዲበ፡ ኰኵሐ፡ ስምከ፡ እሕንጽ፡ ማኅፈደ፡ ክቡር፡ ማኅሌት።
- ጲላጦስ፡ መስግን፡ ዘኢየሩሳሌም፡ ቅድስት፨
- ባሕቱ፡ ካልእ፡ ዘእምኀቤከ፡ ረድኤት፨
- ያስተፋጥን፡ ሐድሶታ፡ ለዛቲ፡ ሕንፀት፨
-
- ሰላም፡ ለዝክረ፡ ስምከ፡ በጽላተ፡ ሰማይ፡ ዘተጽሕፈ፨
- ወለድማኅከ፡ ምሉእ፡ ጸጋ፡ ሌሊተ፡ ገድል፡ ነፍኒፈ፨
- ጲላጦስ፡ ክብርከ፡ እምወሰነ፡ ክብር፡ ኃለፈ፨
- ለክርስቶስ፡ ፍዳ፡ ሥቃዩ፡ እስመ፡ ሥጋከ፡ ተወክፈ፨
- ሥቃየ፡ ንጉሥ፡ ጢባርዮስ፡ ዘይኴንን፡ እልፈ፨
-
- ሰላም፡ ለግንዘተ፡ ሥጋከ፡ በእደ፡ ሰይለቡስ፡ ሊቀ፡ ገዛዕት፨
- ወለመቃብሪከ፡ ሰላም፡ መቃብረ፡ ክርስቶስ፡ እምርት፨
- ጲላጦስ፡ ነጋሢ፡ ተወካፌ፡ መስቀል፡ ፀባሕት፨
- ነጐድጓድ፡ ማኅሌትከ፡ አመ፡ ወርኃ፡ በዓል፡ ክረምት፨
- እምሰማየ፡ ልሳን፡ ተሰምዓ፡ ወደምፁ፡ አቅርንት፨
- ተረፈ፡ መልክእ፡
-
- ሰላም፡ ለከ፡ በጸጋ፡ አምላክከ፡ ወልድ፡ አምጣነ፡ አልቦ፡ ንስሐ፤
- ጲላጦስ፡ ቦእከ፡ ቤተ፡ ፍሥሐ፨
- ዘብርሃን፡ ሠርጐ፡ ሕንጼሃ፨
-
- ሰላም፡ ለከ፡ ለኒቆዲሞስ፡ ወዮሴፍ፡ ዘገነዝዎ፡ በሥጋ፨
- ጲላጦስ፡ ክብሮሙ፡ እንበለ፡ ንትጋ፨
- አውረስከ፡ ቅዳሜ፡ ጸጋ፨
-
- ሰላም፡ ለከ፡ ለገባእት፡ ዓስብ፡ አመ፡ ይትወሀቦሙ፡ ድኅረ፨
- ጲላጦስ፡ ኪያከ፡ በዘአክበረ፨
- አማሕፀንኩከ፡ ኢትርሳዕ፡ ፍቅረ፨
- ተሀበኒ፡ አሐተ፡ ዲናረ፨