Bibliography
Z
Amsalu Tefera. The Ethiopian Homily on the Ark of the Covenant: Critical Edition and Annotated Translation of Dǝrsanä Ṣǝyon. Texts and Studies in Eastern Christianity 5. Leiden–Boston: Brill, 2015.
-
- ሰላም፡ ለዝክረ፡ ስምኪ፡ እንተ፡ ይጼዋዕ፡ በወትር፨
- በአፈ፡ መላእክት፡ ወሰብእ፡ በጊዜ፡ ስብሐት፡ ወክብር፨
- ጽዮን፡ እምነ፡ ንግሥተ፡ ሰማይ፡ ወምድር፨
- እለ፡ ይክህዱ፡ ድንግልናኪ፡ ውሉደ፡ ኵነኔ፡ ወፃዕር፨
- ይጥፍኡ፡ ወይማስኑ፡ እምኵሉ፡ ሀገር፨
-
- ሰላም፡ ለሥዕርተ፡ ርእስኪ፡ በዕንቈ፡ ሰንፔር፡ ሰማያዊ፨
- ዘተሰርገወ፡ ናሁ፡ በቤተ፡ መቅደስ፡ ዘሌዊ፨
- መድኃኒተ፡ ዓለም፡ ጽዮን፡ እመ፡ ክርስቶስ፡ ሰማያዊ፨
- አድንኅንኒ፡ በእንተ፡ ስምኪ፡ እምነ፡ ሕማም፡ ግብታዊ፨
- ዘአልብየ፡ ጥዒና፡ እስመ፡ አንሰ፡ እደዊ፨
-
- ሰላም፡ ለመቃብርኪ፡ ማኅደረ፡ ሠለስቱ፡ ዕለት፨
- ወለፍልሰትኪ፡ ሰላም፡ ወዘዚአኪ፡ ዕርገት፨
- ተስፋ፡ መላእክት፡ ጽዮን፡ ወተስፋ፡ ዕደው፡ ወአንስት፨
- ይልህሱ፡ ፀበለ፡ እግርኪ፡ ሊቃነ፡ መላእክት፡ ወነገሥታት፨
- እስመ፡ አንቲ፡ እመ፡ አምላክ፡ ወላዕለ፡ ኵሉ፡ ፍጥረት፨
-
- በእሉ፡ ሰንበታትኪ፡ ንስእለኪ፡ ድንግል፨
- ፀሐየ፡ ፀሐያት፡ እምነ፡ ወእመ፡ ምሕረት፡ ወሣህል፨
- ወንዌድሰኪ፡ ጽዮን፡ እመ፡ ክርስቶስ፡ ልዑል፨
- ለዘተሰምየ፡ በስምኪ፡ ገብረ፡ ዚአኪ፡ ወተክል፨
- ኢታብዒ፡ ንግሥትየ፡ ውስተ፡ ገሐነም፡ ወሲኦል፨
-
- ስብሐት፡ ለኪ፡ ጽዮን፡ እመ፡ አዶናይ፨
- ስብሐት፡ ለኪ፡ ጽዮን፡ ደብረ፡ ብርሃን፡ ወደብረ፡ ፀሓይ፨
- ስብሐት፡ ለኪ፡ ጽዮን፡ ለባሕታውያን፡ ሲሳይ፨
- ስብሐት፡ ለኪ፡ ጽዮን፡ ኀይለ፡ ሰማዕታት፡ ወምስካይ፨
-
- ንዑ፡ ንስግድ፡ ለጽዮን፡ ማርያም፨
- ንዑ፡ ንስግድ፡ ለመድኃኔ፡ ዓለም፡ እም፨
- ንዑ፡ ንስግድ፡ ለተስፋ፡ ቀዳማዊ፡ አዳም፨
- ንዑ፡ ንስግድ፡ በፍርሃት፡ ለንግሥተ፡ ሰማይ፡ ወአርያም፨
- በይነ፡ ዘይደልዋ፡ ሰጊድ፡ ለዓለም፡ ወለዓለመ፡ ዓለም፨