Bibliography
Z
ሄኖክ ወልደ ሚካኤል, ed. መልክዐ ጉባኤ, ፳፻፲ ዓ/ም.
- ማስገቢያ፡
-
- ንሰግድ፡ ለከ፡ ክርስቶስ፨
- ምስለ፡ አቡከ፡ ኄር፡ ወመንፈስከ፡ ቅዱስ፨
- እስመ፡ አንተ፡ መጻእከ፡ ወአድኀንከነ፨
-
- ሰላም፡ ለኪ፡ ማርያም፡ ስብሕት፡ ቅስተ፡ መሐላሁ፡ ለኖኅ፨
- ውስተ፡ ገጸ፡ ምድር፡ ዳግመ፡ እምደመና፡ ላህ፨
- ኢያንጠብጥብ፡ ዝናመ፡ አይኅ፨
-
- ሰላም፡ ለኪ፡ ማርያም፡ ጎሞር፡ ወላዲተ፡ ክርስቶስ፡ መና፨
- እንበለ፡ ሩካቤ፡ ወዘርዕ፡ በድንግላ፨
- በገዳም፡ በሐቅለ፡ ሲና፨
-
- ስብሐት፡ ለክሙ፡ ትእዛዘ፡ ቃልክሙ፡ ይኩን፡ አምጣነ፡ ብሕልር፡ መስየ፨
- ጸላኢ፡ ኢይባዕ፡ ውስተ፡ ቤትየ፨
- ሥላሴ፡ ዘከሐ፡ ሥላሴ፡ ዘዝየ፨
- በሰላም፡ ኅድሩ፡ ምስሌየ፨
-
- ስብሐት፡ ለእግዚአብሔር፡ ኪያነ፡ ዘፈጠረ፡ ከመ፡ ናምልኮ፨
- ስብሐት፡ ለማርያም፡ እመ፡ አምላክ፡ እግዝእትነ፡ ወመድኃኒትነ፨
- ስብሐት፡ ለመስቀለ፡ ክርስቶስ፡ ዕፀ፡ መድኃኒት፡ ኀይልነ፡ ወጸወንነ፨
- ተረፈ፡ መልክእ፡
-
- በፈቃደ፡ አቡሁ፡ ወበሥምረተ፡ ርእሱ፡ አመ፡ ርእሶ፡ ይሰቀል፨
- ወአመ፡ ተአገሠ፡ ወልድ፡ ሐፃውንተ፡ ቅዱስ፡ መስቀል፨
- ሶበ፡ ሰማዕኪ፡ ማርያም፡ ዘነገሩኪ፡ በቃል፨
- ዘውሕዘ፡ እምአዕይንትኪ፡ ከመ፡ ማየ፡ ክረምት፡ ዘይፈለፍል፨
- ድንግል፡ ድንግል፡ ወላዲተ፡ አምላክ፡ ልዑል፨
- ይኩነኒ፡ ቤዛ፡ ማየ፡ አንብዕኪ፡ እምሀጕል፨