Details
- ማስገቢያ፡
-
- ሰላም፡ ለመቃርዮስ፡ ዘዐቢይ፡ ዝክሩ፨
- እስመ፡ አቀበ፡ መርዔቶ፡ ለአንጦንዮስ፡ በበትሩ፨
- እምነ፡ አሐዱ፡ አሐዱ፡ እንበለ፡ ያጽዑሩ፨
- ሶበ፡ እሩየ፡ ደቂቁ፡ ምግባራተ፡ ጽድቅ፡ ገብሩ፨
- መዳልወ፡ አልባብ፡ ተሰምየት፡ እስከ፡ ዮም፡ ደብሩ፨
-
- ሰላም፡ ለዝክረ፡ ስምከ፡ ዘዐጸደ፡ ወይን፡ አምሳሉ፨
- ወጥዑም፡ ጥቀ፡ እመዐር፡ ጣዕመ፡ አስካሉ፨
- መቃርዮስ፡ ለከ፡ ስመ፡ አስተብጽኦ፡ ይደሉ፨
- ረስዩ፡ ለልሳንየ፡ ብሩረ፡ ውዳሴከ፡ ይድሉ፨
- ዘሕብረ፡ መልክኡ፡ ጽእድው፡ ወጽዱል፡ ጸዳሉ፨
-
- ሰላም፡ ለፀአተ፡ ነፍስከ፡ ወለበድንከ፡ ግኑዝ፨
- በልብሰ፡ ስንዱን፡ ጸዐዳ፡ ወበቅብአ፡ ዕፍረት፡ ምዑዝ፨
- ምጽላለ፡ ረድኤት፡ ኩነነ፡ መቃርዮስ፡ አርዝ፨
- እንዘ፡ ይሄሉ፡ በልብነ፡ ሕገ፡ ፈጣሪ፡ ሐዋዝ፨
- እስመ፡ ተኀየለ፡ ብነ፡ አበሳ፡ ወትካዝ፨
-
- እምኀበ፡ መቃርስ፡ ሐነጸ፡ ለመቃብሪሁ፡ መቅደሰ፨
- መንገለ፡ ካልእ፡ መካን፡ ኀበ፡ ብንያሚ፡ አፍለሰ፨
- ሥጋሁ፡ ክቡር፡ ኀይለ፡ አርያም፡ ዘለብሰ፨
- ይቤ፡ ኅድጉኒ፡ ውስቴታ፡ እስመ፡ ረከብኩ፡ ሞገሰ፨
- ወበእንተ፡ ዝንቱ፡ ነገር፡ ኢትግበሩ፡ ባዕሰ፨
-
- አርብዓ፡ ሐራ፡ ሰማይ፡ ወአርባዕቱ፡ እንስሳ፨
- ምስለ፡ መቃርዮስ፡ አብ፡ ለደብረ፡ አስቄጥስ፡ እንተ፡ ቀደሳ፨
- ታርፍቁነ፡ ንዑ፡ በበ፡ ምእት፡ ወበበ፡ ኃምሳ፨
- በከመ፡ ክርስቶስ፡ ለቤተ፡ ክርስቲያን፡ ርእሳ፨
- ሥጋሃ፡ ዘለብሰ፡ ወቀደሰ፡ ነፍሳ፨
- ተረፈ፡ መልክእ፡
-
- ሰላም፡ ለክሙ፡ እንጦንስ፡ ወመቃርስ፨
- አቢብ፡ ሲኖዳ፡ ገብረ፡ መንፈስ፡ ቅዱስ፨
- ለባርኮትነ፡ ንዑ፡ ውስተ፡ ጽርሐ፡ ዛቲ፡ መቅደስ፨
- ተክለ፡ ሃይማኖት፡ አኖሬዎስ፡ ኤዎስጣቴዎስ፨
- ሳሙኤል፡ ተክለ፡ አልፋ፡ በብኑዳ፡ ኪሮስ፨
-
- ሰላም፡ ለከ፡ መቃርዮስ፡ ኀበ፡ ፍና፡ ገዳም፡ ጌሠ፨
- ውሳጤ፡ ገዳም፡ ዘቁር፡ አመ፡ ተአገሠ፨
- ብዙኀ፡ ተጽናሰ፨
-
- ሰላም፡ ለከ፡ ዘየዐብየከ፡ አልቦ፡ በምንግሥተ፡ ሰማይ፡ ብእሲ፨
- እስመ፡ አንተ፡ አባ፡ እንዘ፡ ታነሐሲ፨
- ነጋዲ፡ ወፈላሲ፨
-
- ሰላም፡ ለከ፡ ለወልድከ፡ አባ፡ ርስተ፡ ነፍስ፡ አውርሶ፨
- ለሊሁ፡ ኢይንበር፡ በተጸንሶ፨
- ወኢይክል፡ እምነ፡ ቁር፡ ተዐግሦ፨
- እምልብስከ፡ ልብሰ፡ ክብር፡ አልብሶ፨