Bibliography
Z
ታየ ገብረ ማርያም. መልክአ፡ ኢየሱስ፡ ምስለ፡ ምክሐ፡ ምእመናን።. አሥመራ: ማኅበረ ክርስቲያን, ፲፰፻፺፬ ዓ/ም.
ገብረ ሥላሴ. መልክዐ ጉባኤ ከ380 በላይ የተለያዩ መልክዐ መልኮችንና ምስጋናዎችን አጠቃሎ የያዘ በግዕዝ እና በአማርኛ. 2 vols. አዲስ አበባ, ፳፻፲፮ ዓ/ም.
-
- በስመ፡ አብ፡ ወወልድ፡ ወመንፈስ፡ ቅዱስ፡ አሐዱ፡ አምላክ፨
- ኣአምን፡ በዕሪና፡ እንዘ፡ እስግድ፡ በብረክ፨
- እንበለ፡ ናፍቆ፡ ምንተኒ፡ በትሥልስትከ፡ አመልክ፨
- ወዓዲ፡ ታድኅን፡ ሕዝበከ፡ ወለአግብርቲከ፡ ትምሕክ፨
- እጼሊ፡ ኀቤከ፡ እግዚኦ፡ በነግህ፡ ወበሠክ፡፨
-
- ኣአምን፡ በአብ፡ ዘኢቀደመ፡ በህላዌ፡ እምወልዱ፨
- ወኣአምን፡ በወልድ፡ ተወላዲ፡ ወለአቡሁ፡ የማነ፡ እዱ፤፨
- ወኣአምን፡ በመንፈስ፡ ቅዱስ፡ ዘሠረጸ፡ እምአብ፡ ወዘኂሩት፡ ልማዱ፨
- እስመ፡ አምላክነ፡ መሐሪ፡ ወለባሕረ፡ ጸጋ፡ ምዕላዱ፨
- እንዘ፡ አሐዱ፡ ሠለስቱ፡ ወእንዘ፡ ሠለስቱ፡ አሐዱ፡፨
-
- መንክር፡ ግብርከ፡ እግዚኦ፡ ወስብሐቲከ፡ ብዙኅ፨
- እምነ፡ ኆጻ፡ ባሕር፡ የዐቢ፡ ወእምነጥበ፡ ክረምት፡ ወአይኅ፨
- ምክሐ፡ ምእመናን፡ ክርስቶስ፡ ዘባሕርይከ፡ ሩኅሩኅ፨
- እንግፈኒ፡ እምፀርየ፡ ወናዝዘኒ፡ እምላህ፨
- እስመ፡ አነ፡ ኃጥእ፡ ዘአልብየ፡ ምልሕ፡፨
-
- ብፁዕ፡ ብእሲ፡ በጊዜ፡ መከራ፡ ዘይትዔገሥ፨
- እስከ፡ ይመጽእ፡ በስብሐት፡ መድኀኔ፡ ዓለም፡ ንጉሥ፨
- ለእለ፡ ይትዔገሡ፡ ሕማም፡ አሜሃ፡ በመካነ፡ ትፍሥሕት፡ ያርእስ፨
- እንዘ፡ ያስተዋሕድ፡ ለሥጋ፡ ምስለ፡ ነባቢት፡ ነፍስ፨
- ይብል፡ ዘተዐገሠ፡ በእንቲኣየ፡ ሕይወተ፡ ለይረስ፨
-
- ንሴብሖ፡ ለእግዚአብሔር፡ በትፍሥህት፡ ወበከበሮ፨
- እስመ፡ ከሠተ፡ ለነ፡ በመጻሕፍቲሁ፡ ምግባሮ፨
- በሞት፡ ወበሕይወት፡ ከመ፡ ናእምር፡ ክብሮ፨
- ወለንጉሥነ፡ ምኒልክ፡ ያግርር፡ ሎቱ፡ ፀሮ፨
- በፍትሕ፡ ወበርትዕ፡ እንዘ፡ ያጸንዕ፡ መንበሮ፨
-
- ስብሐት፡ ለእግዚአብሔር፡ በቅዱሳኒሁ፡ ዘየዐርፍ፨
- ወይትባረክ፡ ስሙ፡ እምጽንፈ፡ ዓለማት፡ እስከ፡ ጽንፍ፨
- እንዘ፡ ይነብብ፡ ላዕሌየ፡ መንፈሰ፡ ጸጋሁ፡ ሐደፍ፨
- ዘአፈጸመኒ፡ በሰላም፡ ለዝንቱ፡ መጽሐፍ፨
- ዘይሰመይ፡ ምክሐ፡ ምእመናን፡ ወምክረ፡ መድኀኒት፡ ውኩፍ፨