Details
-
- ሰላም፡ ለዝክረ፡ ስምከ፡ ዘያስተፌሥሖ፡ ለሰማዒ፨
- ዜና፡ ማርቆስ፡ መዋኢ፨
- ማሕሌተ፡ እንብብ፡ ቅድመ፡ ሰብአ፡ ቢት፡ ወገባኢ፨
- አባ፡ አባ፡ ጸሎተ፡ ልሳን፡ አዒ፨
- ወአድኅኖተከ፡ በላዕሌየ፡ አርኢ፨
-
- ሰላም፡ ለርእስከ፡ ጸውሬ፡ አስር፡ ሐዋስ፨
- ውእቱ፡ ዓዲ፡ ማኅደረ፡ ለባዊት፡ ነፍስ፨
- ዜና፡ ማርቆስ፡ መልአክ፡ ዘባርየከ፡ መንፈስ፨
- አመ፡ ይነቅሑ፡ ምዉታን፡ እምሰሚዐ፡ ቃላት፡ ሥላስ፨
- ክፍለኒ፡ እኅድር፡ በዓለም፡ ሐዳስ፨
-
- ሰላም፡ እብል፡ ለከናፍሪከ፡ ፍሡሓት፨
- እስመ፡ አናቅጽ፡ ስማንቱ፡ ለማኅፈደ፡ ሥጋከ፡ ሕንጽት፨
- ዜና፡ ማርቆስ፡ አልዓዛር፡ ሊቀ፡ ካህናት፨
- አስተብቍዕ፡ ኀበ፡ አምላክ፡ ሰላመ፡ ናዕስ፡ ወመርዔት፨
- እስከ፡ ጽላሎታ፡ ትመይጥ፡ ዕለት፨
-
- ሰላም፡ ለአፉከ፡ ዘመሀረ፡ ጽድቀ፨
- ለብእሲ፡ አፍአዊ፡ እምነ፡ ሃይማኖት፡ ዘርኅቀ፨
- ዜና፡ ማርቆስ፡ ምስሌየ፡ እንተ፡ ትከውን፡ ልጹቀ፨
- አለብወኒ፡ እግዚኦ፡ ወመሀረኒ፡ ጥዩቀ፨
- ጸዋትወ፡ ኵሉ፡ ነገር፡ ወምክረ፡ ዕሙቀ፨
-
- ሰላም፡ ለመቃብሪከ፡ በየማነ፡ ቅዱስ፡ ምሥዋዕ፨
- ኀበ፡ ይቀውማ፡ እገሪሁ፡ ለሊቀ፡ ካህናት፡ ቅቡእ፨
- ዜና፡ ማርቆስ፡ ምንተ፡ እነግር፡ ወምንተ፡ ኣየድዕ፨
- እምብዝኀ፡ ገድሉ፡ ጥዕጡዕ፨
- ዜና፡ ማርቆስ፡ አቡየ፡ ስሑከ፡ መልክእ፨
-
- ሐሩራ፡ ለመርቴ፡ ወቁራ፡ ለደደክ፡
- ዘኢያመጽልዎ፡ ምንተኒ፡ ለለ፡ ጊዜ፡ ጽባሕ፡ ወሠርክ
- ዜና፡ ማርቆስ፡ አቡየ፡ ምድራዊ፡ መልአክ፨
- አማዑተ፡ ከርሡ፡ በፀሓይ፡ ምስማክ፨
- ከመ፡ መንኰራኵር፡ ዘልፈ፡ ይሰግድ፡ በብረክ፨