Details
-
- ሰላም፡ ለዝክረ፡ ስምከ፡ ዘሠናያቲሁ፡ ፍድፉድ፨
- ወለሥዕርትከ፡ ጥሉል፡ በዕፍረተ፡ ጳውሎስ፡ ዐምድ፨
- ሳሙኤል፡ ጴጥሮስ፡ ዕንቈ፡ ኢያሰጲድ፨
- ንጽሓ፡ ድንጋሌከ፡ ከመ፡ ጸምረ፡ ትንቢት፡ ጽሑድ፨
- ወቅድስናከ፡ ዘሕብሩ፡ በረድ፨
-
- ሰላም፡ ለፀአተ፡ ነፍስከ፡ ወለበድነ፡ ሥጋከ፡ ዐምዳ፨
- ለንግዘትከ፡ ወለዝኅርከ፡ ወለፍልሰትከ፡ መዝገበ፡ ቴዳ፨
- ሳሙኤል፡ ማትያስ፡ ዘሥዩም፡ ድኅረ፡ ይሁዳ፨
- አመ፡ ቴስጢኖስ፡ መንፈስከ፡ ዘባሕርይሃ፡ ጸዐዳ፨
- ኀይላተ፡ ግማኔ፡ ወዛህል፡ ሰደደት፡ እምዐውዳ፨
- ተረፈ፡ መልክእ፡
-
- ሰላም፡ ለከ፡ ሳሙኤል፡ በልሳነ፡ ኵሉ፡ ዘነፍስ፨
- ሰላም፡ ለከ፡ ሳሙኤል፡ በአፈ፡ መላእክት፡ ውዱስ፨
- ሰላም፡ ለከ፡ ሳሙኤል፡ በኍልቈ፡ ዓሥሮን፡ ሕዋስ፨
- ሰላም፡ ለከ፡ ሳሙኤል፡ ውስተ፡ ደብተራ፡ ስምዕ፡ ሐዲስ፨
- ሜላተ፡ አእምሮ፡ ክድነኒ፡ ወዘጽድቅ፡ ቢሶስ፨