መልክአ፡ ሰሎሜ፡
Malkəʾa Salome
Image of Salome
-
- ጥበብ፡ ኅሪት፡ ዘወለደት፡ ርእሳ፨
- ወተወልደት፡ ካዕበ፡ እምነ፡ ባሕርያት፡ ከርሣ፨
- እምኔሃ፡ ሠረጸ፡ ሕይወተ፡ ፍጡራን፡ እንስሳ፨
- ያንሶሱ፡ በላዕሌየ፡ ሰኮና፡ ጥበብ፡ ንግሣ፨
- ድርሳነ፡ ሰሎሜ፡ እትናበብ፡ ዘይሰሪ፡ አበሳ፨
-
- ሰላም፡ ለዝክረ፡ ስምኪ፡ ትፍሥሕተ፡ መላእክት፡ ወሰብእ፨
- ወለሥዕርትኪ፡ ሰላም፡ በዘይተ፡ ደብረ፡ ጽዮን፡ ቅቡእ፨
- ሰሎሜ፡ ሳራ፡ ወላዲተ፡ ኀይላት፡ አድባረ፡ መስእ፨
- ከመ፡ ትባርኪ፡ መእዝነ፡ ዓለም፡ አርባዕ፨
- ምስለ፡ መርቆሬዎስ፡ ንዒ፡ እምሰማይ፡ ሳብዕ፨
-
- ሰላም፡ ለግንዘተ፡ ሥጋኪ፡ የማነ፡ ሱራፊ፡ ዘገነዛ፨
- ወለመቃብሪከ፡ ሰላም፡ ውስተ፡ ደብረ፡ ምሕረት፡ ሎዛ፨
- ለዘፈጸምኩ፡ ትእዛዝኪ፡ ዕለተ፡ ግዕዛ፨
- ክድንኒ፡ ልብሰ፡ ከብካብ፡ ለዕሩቅኪ፡ ወሬዛ፨
- ዘይለብስዎ፡ መላእክት፡ ዘቦቱ፡ መዐዛ፨
-
- ይትባረክ፡ እግዚአብሔር፡ ለልበ፡ ጠቢባን፡ ዘከበቶ፨
- ዘከሡተ፡ ሊተ፡ መልክአ፡ ሰሎሜ፡ ለአእኵቶ፨
- ኅድግሰ፡ ለአዳም፡ ዘሠነየ፡ ልሕኵቶ፨
- ወለእንስሳ፡ በለም፡ ከሠተ፡ ኂሩቶ፨
- በጥበበ፡ ርእስየ፡ አኮ፡ ወበጽድቅየ፡ ዘኮነ፡ ከንቶ፨
-
- ዘአቅረብኩ፡ መልክእኪ፡ በበ፡ ሱታፌሁ፡ ወክዋኔሁ፨
- ሱራፌል፡ ወኪሩቤል፡ እንዘ፡ አስተፃምር፡ ምስሌሁ፨
- ሰሎሜ፡ ቅድስት፡ እመ፡ ቅዱሳን፡ ዘነጽሑ፨
- አስተሳትፍኒ፡ ለወልድኪ፡ በመንግሥተ፡ ሰማይ፡ ጽርሑ፨
- ለዘበሠለስቱ፡ አሐዱ፡ ወለዘበአሐዱ፡ ሥላሴሁ፨
-
- ድኅረ፡ ፈጸምኩ፡ መልክእከ፡ ኤምኀኪ፡ አምኃየ፨
- እንዘ፡ አስተበፅዕ፡ ኀቤኪ፡ ወእሁበኪ፡ ግናየ፨
- ሰሎሜ፡ ቅድስት፡ እመ፡ ቅዱሳን፡ አበውየ፨
- ቅረብኒ፡ ለወልድኪ፡ ወበልኒ፡ ወልድየ፨
- እስመ፡ አነ፡ ገብርኪ፡ ወአንትኒ፡ እግዝእትየ፨