መልክአ፡ ፊልጶስ፡
Malkəʾa Filəṗṗos
Image of Philip
-
- ኀረየ፡ ዐሠርተ፡ ወክልኤተ፡ ሐዋርያተ፨
- ሤሞሙ፡ ኖሎተ፨
- ይቤሎሙ፡ ኢየሱስ፡ ዘኪያክሙ፡ ሰምዐ፨
- ኪያየ፡ ሰምዐ፡ ሰሞዖ፡ ለዘፈነወኒ፨
-
- ሰላም፡ ለዝክረ፡ ስምከ፡ በስብከተ፡ አበው፡ ዘተነቅበ፨
- ወበሐብለ፡ ወንጌል፡ ዘተስሕበ፨
- ነጋዴ፡ ሃይማኖት፡ ፊልጶስ፡ ዘኢታነትግ፡ ሐሳበ፨
- መዝገብሰ፡ ለእመ፡ ኮነ፡ ዕጹበ፨
- ከመ፡ ነዳይ፡ ብልጣሶር፡ በአፍአ፡ ተረክበ፨
-
- ሰላም፡ ለመቃብሪከ፡ ገራህተ፡ አያይ፡ አምሳላ፨
- ወለፍልሰትከ፡ ሰላም፡ ሥርጉተ፡ ነበልባል፡ ጽጌ፡ ደንጐላ፨
- መላሔ፡ ኀጣውእ፡ ፊልጶስ፡ በሰይፈ፡ ሃይማኖት፡ ዕፀወ፡ ሰግላ፨
- ምጥቀኒ፡ በኪዳንከ፡ እምነ፡ ደይነ፡ ሞት፡ ቈላ፨
- ወበግበ፡ ዕልወት፡ ምስሌከ፡ ኢይግበር፡ መሐላ፨
-
- ተወከፍ፡ ሰላምየ፡ ዘንተ፡ ስብሐተ፡ በኢዝንጋዔ፨
- እንተ፡ ይጥዕም፡ ለጕርዔ፨
- ፊልጶስ፡ ኵነኒ፡ በኪዳንከ፡ ረዳኤ፨
- እስመ፡ ምስካይይአ፡ ኀበ፡ ጸዋዕኩ፡ ጽዋዔ፨
- ወበእንተዝ፡ ኀሠሥኩ፡ ኪያከ፡ መንሥኤ፨