Details
-
- ሰላም፡ ለዝክረ፡ ስምኪ፡ ዘያስተፌሥሕ፡ ኅሊና፨
- ከመ፡ ስቴ፡ ወይን፡ ዘቃና፨
- ንዒ፡ ንዒ፡ ንዒ፡ ማርያም፡ እንተ፡ ኤልያስ፡ ደመና፨
- ጸዊረኪ፡ ዝናመ፡ ሕልም፡ ዘያስተፌሥሕ፡ ልቡና፨
- እስመ፡ ተማሕፀንኩ፡ አነ፡ በእምኪ፡ ሐና፨
-
- ሰላም፡ ለሥዕርተ፡ ርእስኪ፡ ዘኀብረ፡ መልክኡ፡ ዕፀ፡ ጳጦስ፨
- ዘርእየኪ፡ ሙሴ፡ ሊቀ፡ ነቢያት፡ አልባስ፨
- ንዒ፡ ንዒ፡ ንዒ፡ ማርያም፡ ዕፀ፡ መድኃኒት፡ ወዕፀ፡ ፈውስ፨
- ታብስርኒ፡ ብስራተ፡ ሕልም፡ በዕለተ፡ ዐቢይ፡ ሐሙስ፨
- ከመ፡ አብሰረኪ፡ ቅድመ፡ ገብርኤል፡ ቅዱስ፨
-
- ሰላም፡ ለመልክእኪ፡ ወለገጽኪ፡ ፀሓየ፨
- ወኮከበ፡ ብርሃን፡ ሰማየ፨
- ንዒ፡ ንዒ፡ ንዒ፡ ማርያም፡ ዘምስለ፡ አብርሃም፡ ይስሐቅ፡ ወያዕቆብ፡ አበውየ፨
- ከመ፡ ትሢሚ፡ እግዝእትየ፡ ዐቃቤ፡ ለአፉየ፨
- ወማዕጾ፡ ለከናፍርየ፡ ነገረ፡ እኩይ፡ መሪር፡ ኢይንብብ፡ አፉየ፨
-
- ሰላም፡ ለህላዌኪ፡ ምስለ፡ አብ፡ ወወልድ፡ ወመንፈስ፡ ቅዱስ፡ እለ፡ ፈጠሩ፡ ጥበበ፨
- ምሥራቀ፡ ወምዕራበ፡ ሰሜነ፡ ወደቡበ፨
- ንዒ፡ ንዒ፡ ንዒ፡ ማርያም፡ እንተ፡ ተመሰልኪ፡ ርግበ፨
- ወአስተርእይኒ፡ ማሪሃም፡ ወርቀ፡ ኀበ፡ ተቀብረ፡ ወብሩረ፡ ኀበ፡ ዘተመክዐበ፡ ወተዘግበ፨
- ወኢታርእይኒ፡ በሥላሴ፡ ንዴተ፡ ወረኀበ፨