መልክአ፡ ሀብተ፡ ሥላሴ፡ ዘደብረ፡ ጽጌ፡
Malkəʾa Habta Śǝllāse za-Dabra Ṣǝge
Image of Habta Śǝllāse of Dabra Ṣǝge
-
- ሰላም፡ ለዝክረ፡ ስምከ፡ ፊደለ፡ ራእዩ፡ ዕሤተ፡ ጻማ፨
- ለጸሓፌ፡ ትእዛዝ፡ ዘርእየ፡ ዲበ፡ ማያተ፡ ዳን፡ መንግሥተ፡ ራማ፨
- ሀብተ፡ ሥላሴ፡ ሀለዎ፡ ለመንፈቀ፡ ስምከ፡ ግርማ፨
- ወተሰደ፡ በዘክሮቱ፡ ሥርወ፡ እከያት፡ መስቴማ፨
- እምደብርከ፡ ደብረ፡ ጽጌ፡ ዘይሰመይ፡ ስማ፨
-
- ሰላም፡ ለመቃብሪከ፡ ዘተሰወረ፡ ወኢተረክበ፨
- ከመ፡ መቃብሩ፡ ለሙሴ፡ ወመሬተ፡ ዮሐንስ፡ ካዕበ፨
- ሀብተ፡ ሥላሴ፡ ኣእመርከ፡ ጊዜ፡ ሞትከ፡ ዕጹብ፨
- ወወረድከ፡ ትኑም፡ በህየ፡ ሶበ፡ ዕለትከ፡ ቀርበ፨
- ውስተ፡ ጎልጎታ፡ አምላክ፡ ዘባቲ፡ ሰከበ፨
-
- ተወከፍ፡ ማሕሌተነ፡ ውስተ፡ ኑኀ፡ ሰማይ፡ ከመ፡ ዕጣን፨
- ሀብተ፡ ሥላሴ፡ መልአከ፡ ዑቃቤ፡ ዛቲ፡ መካን፨
- አምጣነ፡ ሐለይነ፡ ለከ፡ ለዜማ፡ ያሬድ፡ ካህን፨
- ወዘመርነ፡ ለበዓልከ፡ ወዘይመስል፡ ልሳን፨
- መሰንቆ፡ መዘምር፡ የማናዊ፡ ዘስሙ፡ የማን፨