መልክአ፡ ሀብተ፡ ማርያም፡
Malkəʾa Habta Māryām
Image of Habta Māryām
-
- ሰላም፡ ለዝክረ፡ ስምከ፡ ወላጤ፡ ኅብስት፡ ወወይን፨
- ሶበ፡ ይብል፡ ፈኑ፡ ጸጋ፡ መንፈስ፡ ቅዱስ፡ ሰንኰሪሶን፨
- ሀብተ፡ ማርያም፡ መናኒ፡ ወልደ፡ ብእሴ፡ ሕንብርት፡ ምእመን፨
- ባርከነ፡ ለውሉድከ፡ በመስቀል፡ ብርሃን፨
- ይጕየይ፡ እምኔነ፡ መስሓቲ፡ ሰይጣን፨
-
- ሰላም፡ ለሥዕርተ፡ ርእስከ፡ ዘኵለንታሁ፡ ጥሉል፨
- ነጠብጣበ፡ ሐፍ፡ ዘወፅአ፡ እምብዝኀ፡ ጽኑዕ፡ ገድል፨
- ሀብተ፡ ማርያም፡ ሐዋርያ፡ ጸዋሬ፡ ሐዲስ፡ መስቀል፨
- ልብከ፡ እስመ፡ ተአስረ፡ በፍቅረ፡ አሐቲ፡ ወንጌል፨
- እምአመ፡ መነኰሰ፡ መነና፡ ለእክል፨
-
- ሰላም፡ ለግንዘተ፡ ሥጋከ፡ በእደ፡ ትሑታን፡ አርድእቱ፨
- በድነ፡ ሥጋከ፡ እንዘ፡ ይጼኑ፡ መዐዛ፡ ቅዱሳን፡ ዘሞቱ፨
- ሀብተ፡ ማርያም፡ እንጦኒ፡ መናኔ፡ ዓለም፡ ከንቱ፨
- አድኅነነ፡ ወባልሐነ፡ ለዓለም፡ እምርስሐቱ፨
- ከመ፡ ንባእ፡ ምስሌሁ፡ ለመርዓዊ፡ አመ፡ የአቱ፡ ምስለ፡ አዕርክቱ፨
-
- ስብሐት፡ ይደሉ፡ ለሥላሴ፡ ዘአሠርገዉከ፡ ክብረ፨
- ወስብሐት፡ ለማርያም፡ እንተ፡ ትሔውጸከ፡ ወትረ፨
- ወስብሐት፡ ለዕፀ፡ መስቀል፡ ዘኀይለ፡ አጋንንት፡ አግረረ፨
- ለዘሰአለከ፡ በዝመልክእከ፡ እንዘ፡ ይበኪ፡ መሪረ፨
- አባ፡ ሀብተ፡ ማርያም፡ ተራድኦ፡ ምዕረ፨