-
- በስመ፡ እግዚአብሔር፡ ስቁል፡ ለቤዛ፡ አሐዱ፡ አዳም፨
- ውዳሴ፡ መልክእከ፡ እጽሐፍ፡ በልሳንየ፡ ቀለም፨
- ግብጻዊ፡ ፊቅጦር፡ እምከመ፡ ወጠንኩ፡ ዮም፨
- ኩነኒ፡ ኀይለ፡ ድካምየ፡ እስከ፡ እፌጽም፨
- እስመ፡ አንተ፡ ኃያል፡ ወአነ፡ ድኩም፨
-
- ሰላም፡ ለዝክረ፡ ስምከ፡ ዘፊደላቲሁ፡ አርባዕቱ፨
- ከመ፡ ስመ፡ እግዚእ፡ ኢየሱስ፡ ወስመ፡ ማርያም፡ ወላዲቱ፨
- ቤተ፡ ክርስቲያን፡ መርዓት፡ ትዌድሰከ፡ ለለ፡ ዕለቱ፨
- ፊቅጦር፡ ወልድ፡ ለአምላክ፡ መጋቤ፡ ቤቱ፨
- በሥርዓት፡ ወሕግ፡ ፅሙድ፡ ውእቱ፨
-
- ሰላም፡ ለእስትንፋስከ፡ ወለጕርዔከ፡ መዓርዒር፨
- ወለክሳድከ፡ ጽኑዕ፡ በትእዛዘ፡ ክርስቶስ፡ መምህር፨
- ፊቅጦር፡ ጻድቅ፡ በጸሎትከ፡ ሐጹር፨
- ዘተኦደት፡ እምኵለሄ፡ ኢትዮጵያ፡ ሀገር፨
- ትዌድሰከ፡ በሐዋዝ፡ መዝሙር፨
-
- ሰላም፡ ለመከየድከ፡ ኢትዮጵያ፡ ዘፈለሳ፨
- ከመ፡ ጳውሎስ፡ አሣዕነ፡ እንበለ፡ ይኅሥሣ፨
- ፊቅጦር፡ ሀበኒ፡ እምዘመነ፡ ኤልያስ፡ ስሳ፨
- ለወልድከሰ፡ አዝማናቲሁ፡ ሠላሳ፨
- ወኢኮኖ፡ አርብዓ፡ ወኃምሳ፨
-
- ሰላም፡ ለፀአተ፡ ነፍስከ፡ በእደ፡ ሱራፊ፡ ቀሲስ፨
- አመ፡ ዐሡሩ፡ ወሰብዑ፡ ለወርኀ፡ ታኅሣሥ፨
- አመ፡ ፈለስከ፡ ፊቅጦር፡ እምነ፡ ሥጋ፡ ወነፍስ፨
- ወመጽኡ፡ ለቀበላከ፡ በቃለ፡ ማሕሌት፡ ሐዲስ፨
- መዘምር፡ አሳፍ፡ ወዳዊት፡ ንጉሥ፨
-
- ሰላም፡ ለመቃብሪከ፡ በቤተ፡ ማርያም፡ ድንግል፨
- ከመ፡ ቅጽበተ፡ ዐይን፡ ዘኮነት፡ አራቂተ፡ ኀይል፨
- ፊቅጦር፡ ጻድቅ፡ ጸሓፌ፡ ሐዲስ፡ ወንጌል፨
- ሀበኒ፡ እግዚኦ፡ በረከተከ፡ በቃለ፡ ሰላም፡ ወሣህል፨
- እስመ፡ ጸሎቱ፡ ለጻድቅ፡ ታድኅን፡ እምሀጕል፨