Details
-
- ኦኤልያስ፡ ዘወሀብኮ፡ ካዕበተ፡ መንፈስ፡ ምስለ፡ ሐሜለት፨
- ለረድእከ፡ ኤልሳዕ፡ ገባሬ፡ ኀይላት፨
- ሰላመ፡ መልክእከ፡ እንብብ፡ በረድኤትከ፡ ቅድስት፨
- ጸጋ፡ ሀበኒ፡ እግዚኦ፡ እምእግዚእከ፡ ከመ፡ ሐዋርያት፨
- ዘወረደ፡ ላዕሌሆሙ፡ መንፈስ፡ ቅዱስ፡ ከመ፡ ዘእሳት፡ ወተናገሩ፡ በነገረ፡ ኵሉ፡ በሐውርት፨
-
- ሰላም፡ ለትርጓሜ፡ ስምከ፡ ዘተብህለ፡ ዘይተ፨
- ወለሥዕርትከ፡ ሰላም፡ ዘኢተቀርዐ፡ ቅርዐተ፨
- በጸውዖ፡ ስምከ፡ ኤልሳዕ፡ ፈለገ፡ ዮርዳኖስ፡ አእተተ፨
- እኩየ፡ ስመ፡ ኢተሀበኒ፡ እንበለ፡ እግበር፡ እኪተ፨
- ኤልያስ፡ ማእምርየ፡ ወአውቅየ፡ አንተ፨
-
- ሰላም፡ ለቆምከ፡ ወለመልክእከ፡ ክሡት፨
- ለዐይነ፡ እስክንድር፡ ንጉሥ፡ ነጻሬ፡ ኅቡኣት፨
- ኤልያስ፡ ጴጥሮስ፡ ተፍጻሜ፡ ሰማዕት፨
- በጽድቅ፡ ገሥጸኒ፡ ወተዛለፈኒ፡ በምሕረት፨
- ከመ፡ ታድኅነኒ፡ እም፡ ዳግም፡ ሞት፨
-
- ሰላም፡ ለትንሣኤከ፡ በመንፈቀ፡ ዕለት፡ ራብዕ፨
- ከመ፡ ቃለ፡ ዮሐንስ፡ ረድእ፨
- ዘሀሎ፡ እምቅድሜየ፡ ወዘድኅሬየ፡ ይመጽእ፨
- ዘይቤ፡ ዮሐንስ፡ መጥምቃዊ፡ በእንተ፡ ክርስቶስ፡ እግዚእ፨
- አማን፡ ይደልወከ፡ ኤልያስ፡ ራትዕ፨
-
- ካህን፡ ወነቢይ፡ ወሰማዕተ፡ ዳግም፡ ጽዋዔ፨
- እምሐዋርያት፡ ሐዋርያ፡ በታቦራዊ፡ ጉባኤ፨
- ኤልያስ፡ ዘኮንከ፡ ሕገ፡ መነኮሳት፡ ሠራዔ፨
- እስመ፡ ፈጸምኩ፡ ወድሶተከ፡ በሰላመ፡ ኃምስ፡ ሱባዔ፨
- ከመ፡ ዮናስ፡ ዘአንሣእኮ፡ ረስየኒ፡ ቍልዔ፨