መልክአ፡ አብርሃም፡ ዘደብረ፡ ጽዮን፡
Malkəʾa ʾAbrǝhām za-Dabra Ṣǝyon
Image of ʾAbrǝhām of Dabra Ṣǝyon
-
- በስመ፡ ሥሉስ፡ እሠውጥ፡ ዕፍረተ፡ ድርሳን፡ ኅዳጠ፨
- ዲበ፡ መልክእከ፡ ልብስ፡ ዘበመጥባሕተ፡ ሀጕል፡ ኢተሠለጠ፨
- አብርሃም፡ ፍቅርከ፡ ኀበ፡ በልብየ፡ ተሠወጠ፨
- እንዘ፡ እሙንቱ፡ ይጼግዉኒ፡ ዕፍረተ፡ አእምሮ፡ ጽዑጠ፨
- ወአፈወ፡ ጥበብ፡ ሐሴቦናዊ፡ ዘእምቅድም፡ ተሠይጠ፨
-
- ሰላም፡ ለዝክረ፡ ስምከ፡ ዘይጥዕም፡ ለጽውዖ፨
- ወለትካዘ፡ ልብ፡ ደዌ፡ ፍጡነ፡ ዘያረስዖ፨
- እስከ፡ እፌጽም፡ አብርሃም፡ ስብሐተ፡ መልክእከ፡ በአስተብቍዖ፨
- ምስሌየ፡ ሀሎ፡ ማሕፀንተከ፡ ከመ፡ ለጸላኢ፡ እጽብኦ፨
- ወኢትኅድገኒ፡ እግዚኦ፡ እግዚኦ፨
-
- ሰላም፡ ለመቃብሪከ፡ ለደብረ፡ ጽዮን፡ ውስቴታ፨
- ዘዕንቍ፡ ድያ፡ ወዘጳዝዮን፡ መሠረታ፨
- አብርሃም፡ ንሣእ፡ ኵያንወ፡ ኃይሳት፡ መንታ፨
- ትፅብኦ፡ ወታመሥዎ፡ ለዘይፈቅድ፡ ይንስታ፨
- ለዛቲ፡ ደብረ፡ ጽዮን፡ ዘዕጹብ፡ ግብረታ፨
-
- ሰላም፡ ለደቂቅከ፡ አብርሃም፡ ጻድቅ፨
- እለ፡ አሠነይዋ፡ ጥቀ፡ ለደብረ፡ ጽዮን፡ ምርፋቅ፨
- ከመ፡ ዘኪሩቤል፡ ጠቢብ፡ ወከመ፡ ሰሎሞን፡ ሊቅ፨
- እሉሰ፡ ጠቢባኒነ፡ እንበለ፡ ብሩር፡ ወወርቅ፨
- እምኢክህሉ፡ ጥበቢሆሙ፡ ለእለ፡ ደቂቅ፨
-
- ስብሐት፡ ለአብ፡ ዘአፈጸመኒ፡ በጥበቡ፨
- ወሰጊድ፡ ለወልድ፡ ዘአንበበኒ፡ በንባቡ፨
- ወለመንፈስ፡ ቅዱስ፡ ዕበይ፡ ዘአጽንዐኒ፡ በነደ፡ ላህቡ፨
- ከመ፡ ኣቅርብ፡ ስብሐቲከ፡ አብርሃም፡ ቅሩቡ፨
- ለዋሕድ፡ አምላከ፡ ራማ፡ ዘትድምርት፡ መዝገቡ፨
-
- ሰላም፡ ለከ፡ ዕቍረ፡ ማየ፡ ልብን፡ አብርሃም፡ ዘወልድየ፡ እኁየ፨
- ትብለከ፡ ነዓ፡ በጊዜ፡ ጽምዕየ፨
- ደብረ፡ ጽዮን፡ ጽጌ፡ ወይንየ፨
-
- ሰላም፡ ለከ፡ ማእከለ፡ ክልኤ፡ አጥባት፡ ዘተዕርፍ፡ አባ፨
- ለነፍሰ፡ ዚአየ፡ ፍጡነ፡ ቅረባ፨
- በረከተ፡ ከመ፡ ተሀባ፨
-
- [ሰላም፡ ለከ፡] ዐፀደ፡ ወይኑ፡ አብርሃም፡ ለእግዚአብሔር፡ ሊቅ፨
- እለ፡ ዐቀቡከ፡ በውስተ፡ ምርፋቅ፨
- ኪሩቤል፡ አቀብተ፡ ጽድቅ፨
-
- ናሁ፡ ሠናይ፡ ወአዳም፡ ናሁ፨
- ኵሉ፡ ይብለከ፡ በአፉሁ፨
- ለአብርሃም፡ ግብረ፡ እዴሁ፨
-
- ሰላም፡ ለከ፡ አዕይንቲከ፡ ዘርግብ፡ ምስጢረ፡ መለኮት፡ ዘርእያ፨
- ነቢይ፡ አብርሃም፡ ወሐዋርይታ፨
- ትብለከ፡ ኢትዮጵያ፨
-
- ሰላም፡ ለከ፡ አምኅለከ፡ አባ፡ በደብረ፡ ጽዮን፡ ደብርከ፨
- ወበውስቴታ፡ መቃብሪከ፨
- ከመ፡ ሰማዕ፡ ዘሰአልኩከ፨
-
- ሰላም፡ ለከ፡ አስካለ፡ ንጽሕና፡ አብርሃም፡ እብለከ፡ ዓዲ፨
- ወአስካለ፡ ቆዕ፡ አብርሃም፡ ጋዲ፨
- ከመ፡ ትምሐረኒ፡ አርአያ፡ ወላዲ፨
- ምክረ፡ ጽድቅ፡ አበሳ፡ ዘይፈዲ፨