Details
-
- በስመ፡ አብ፡ ወወልድ፡ ወመንፈስ፡ ቅዱስ፡ አሐዱ፡ አምላክ፡ ሠለስቱ፨
- ዘባናቲሆሙ፡ ዋሕድ፡ ዘኢይጤየቅ፡ ጥንተ፡ ኵነቱ፨
- ጽልመተ፡ አርምሞ፡ ጽፉቀ፡ እምልሳንየ፡ ያእትቱ፨
- ለአቢብ፡ አበ፡ ኵልነ፡ ወፍቁርነ፡ ውእቱ፨
- ከመ፡ ዜናሁ፡ እትናገር፡ ወእትቀነይ፡ ሎቱ፨
-
- ሰላም፡ ለዝክረ፡ ስምከ፡ ዘያስተፌሥሕ፡ ሕሊና፨
- ወለሥዕርትከ፡ ጸሊም፡ ዘኢተረክብ፡ በዜና፨
- አቢብ፡ አብርሃም፡ ብእሴ፡ ጥበብ፡ ወልቡና፨
- ያስተበጽአከ፡ ልሳነ፡ ጴጥሮስ፡ ዘዮና፨
- ዘአስተብጽኦ፡ በቃል፡ ለአምላክ፡ በሲና፨
-
- ሰላም፡ ለመቃብሪከ፡ ዘመዛ፡ አፈው፡ መዐዛሁ፨
- ንትባደር፡ ዘልፈ፡ ወንረውጽ፡ በድኅሬሁ፨
- አቢብ፡ ብፁዕ፡ ታስተበቍዐከ፡ ናሁ፨
- ቤተ፡ ክርስቲያን፡ ለእግዚአብሔር፡ ጸርሑ፨
- እስመ፡ ለፍቅርከ፡ ተሰምዐ፡ ዜናሁ፨
-
- ሰላም፡ ለቆብዐ፡ ርእስከ፡ ዘኢለከፎ፡ ጌጋይ፨
- ወለአስኬማከ፡ ሰላም፡ አስኬማ፡ መላእክት፡ ጽሩይ፨
- አቢብ፡ ማርቆስ፡ ርእሰ፡ ጉባኤ፡ ዐባይ፨
- ያስተበቍዐከ፡ ወልድከ፡ ነዳይ፨
- እስመ፡ ቤቱ፡ አልቦቱ፡ ሲሳይ፨