መልክአ፡ አቤል፡ ዘሕጺ፡
Malkəʾa ʾAbel za-Ḥǝṣi
Image of ʾAbel of Ḥǝṣi
-
- ሰላም፡ ሰላም፡ ለዝክረ፡ ስምከ፡ ጥዑም፨
- ወለሥዕርትከ፡ ዓዲ፡ ዘድላሌሁ፡ ጸሊም፨
- ኤርሚያስ፡ አቤል፡ ዘተኀረይከ፡ እምቅድም፨
- ነዓ፡ ነዓ፡ ለጉባኤነ፡ ኤላም፨
- ከመ፡ በመስቀል፡ ትባርክ፡ ውሉደከ፡ ዮም፨
-
- ሰላም፡ ለግንዘትከ፡ በእደ፡ ንቁሃን፡ ምእመናን፨
- ወለመቃብሪከ፡ ሰላም፡ ዘይጼልሎ፡ ብርሃን፨
- ምሉአ፡ ሞገስ፡ አቤል፡ ዕዉደ፡ ጸሎት፡ ሥልጣን፨
- ዘተማሕፀኑ፡ ኀበ፡ ዝኅርከ፡ እንበለ፡ ኑፋቄ፡ አማን፨
- እስከ፡ ይእዜ፡ ሀለዉ፡ ይትፌወሱ፡ ዱያን፨
-
- ናሁ፡ አቅረብኩ፡ አምኃ፡ ማሕሌት፡ ወሰላም፨
- ለመልክኣቲከ፡ ኵሎን፡ መጠነ፡ ተክህለኒ፡ በዐቅም፨
- ውኩፈ፡ መሥዋዕት፡ አቤል፡ ሱታፌ፡ አቤል፡ ዘቅድም፨
- እስእለከ፡ አባ፡ ከመ፡ ትትወከፈኒ፡ ዮም፨
- ዘአቅረብኩ፡ ለከ፡ በልሳን፡ ድኩም፨
-
- ሰላም፡ ለዘቅድም፡ ወሰላም፡ ለድኅር፨
- እንዘ፡ ይጻምዋ፡ ፈድፈደ፡ በብዙኅ፡ ጻዕር፨
- ደናግል፡ ተሰናዒዎን፡ በምክር፨
- ሐነጻ፡ መካነከ፡ አበ፡ ዘዚአከ፡ ዝኅር፨
- ክቡራተ፡ አእባነ፡ አምጺኦን፡ እምርሑቅ፡ ብሔር፨
-
- አኮ፡ አኮ፡ በአብዝኆ፡ ነገር፡ ወማሕሌት፨
- አላ፡ ኅዳጠ፡ ወደስኩከ፡ በጥብዐት፨
- ትጉህ፡ አቤል፡ ዘውገ፡ ትጉሃን፡ መላእክት፨
- አስተፋጥን፡ ሐውጾትየ፡ በኵሉ፡ ሰዓት፨
- ምስለ፡ እግዝእትከ፡ የዋሂት፡ ማርያም፡ ቅድስት፨