Details
-
- ሰላም፡ ለፅንሰትኪ፡ በሩካቤ፡ ዘበሕግ፨
- እምብርከ፡ አበው፡ አዕሩግ፨
- ሰዋስወ፡ ኅሬ፡ ማርያም፡ እንተ፡ ሰማያት፡ ምዕራግ፨
- ከመ፡ እንግር፡ ዜና፡ ፅንሰትኪ፡ ወልደትኪ፡ በደርግ፨
- ማየ፡ ጥበብኪ፡ ይምላእ፡ በልብየ፡ አይግ፨
-
- ሰላም፡ ለልደትኪ፡ ዘተባረከ፡ ዕለት፨
- እምቤተ፡ ሌዊ፡ ካህን፡ ወእምቤተ፡ ንጉሥ፡ ዳዊት፨
- ቀሰተ፡ ኤልሳዕ፡ ማርያም፡ ወእንተ፡ ሠሉስ፡ ገራኅት፨
- ምርሕኒ፡ ከመ፡ ስምኪ፡ በሰዓተ፡ ፍዳ፡ ወቅስት፨
- ኀበ፡ ኢሀለዉ፡ መከራ፡ ወሞት፨
-
- ሰላም፡ ለዝክረ፡ ስምኪ፡ ወለሥዕርትኪ፡ እምዓለሙ፨
- ለክርስቶስ፡ ህየንተ፡ ስሙ፨
- ማርያም፡ ድንግል፡ በልደትኪ፡ መጠነ፡ ዐቅሙ፨
- አዳም፡ ይዌድሰኪ፡ ምስለ፡ ደቂቁ፡ ኵሎሙ፨
- እስመ፡ ለአዳም፡ ብኪ፡ ተስእረ፡ መርገመ፨
-
- ሰላም፡ ለፍልሰተ፡ ሥጋኪ፡ ኀበ፡ ተደለወ፡ መካን፨
- እንተ፡ እዝነ፡ ሰብእ፡ ኢሰምዐ፡ ወዘኢርእየ፡ ዐይን፨
- ዘተወለድኪ፡ ማርያም፡ እምነ፡ ቡርክት፡ ማሕፀን፨
- አድኅንኒ፡ እምነገሮሙ፡ ለሰብአ፡ ዐማጺት፡ ዘመን፨
- እለ፡ ይትናገሩ፡ በክልኤ፡ ልሳን፨
-
- ይትባረክ፡ እግዚአብሔር፡ በዘትአጠየቀ፡ ወአእመረ፨
- መድኃኒተ፡ ሕሙም፡ ማርያም፡ እስመ፡ ኪያከ፡ ፈጠረ፨
- ወበእንተዝ፡ በሊዮ፡ አመ፡ ኀቤነ፡ አንጸረ፨
- ለአይ፡ ትፈትሕ፡ ለኃጥኣን፡ ወትጼግዎሙ፡ አሣረ፨
- እስመ፡ በይነ፡ እሉ፡ ሰተይከ፡ ሐሞተ፡ መሪረ፨