Details
-
- ማኅበረ፡ ምእመናን፡ ኀበ፡ ተዐየኑ፡ ወአንገለጉ፡ ካዕበ፨
- ዜና፡ ውዳሴከ፡ እንግር፡ እንዘ፡ እዜኑ፡ ንባበ፨
- ገብረ፡ ማርያም፡ ጴጥሮስ፡ ዘተዐገሥከ፡ ዕጸበ፨
- እስመ፡ ለከ፡ እምሰማያት፡ መራኁተ፡ ጽድቅ፡ ተውህበ፨
- ማዕጾ፡ ኅሊናየ፡ አርኁ፡ ወምላእ፡ ጥበበ፨
-
- ሰላም፡ ለዝክረ፡ ስምከ፡ እምዝክረ፡ መላእክት፡ ዘተበፅዐ፨
- ወበሥነ፡ ሞገስ፡ ላዕሌሁ፡ ስመ፡ ማርያም፡ ዘተለክአ፨
- ገብረ፡ ማርያም፡ ከሃሊ፡ ከመ፡ ቃለ፡ ዳዊት፡ አይድዐ፡
- ፍጥር፡ ሊተ፡ እግዚእየ፡ ልበ፡ ካልአ፨
- ወበውስተ፡ ከርሥየ፡ ሐድስ፡ መንፈሰ፡ ርቱዐ፨
-
- ሰላም፡ ለፍልሰተ፡ ሥጋከ፡ ለፍልሰተ፡ ስምዖን፡ ዘተዛወጋ፨
- እምደብረ፡ ሊባኖስ፡ እምከ፡ ዘተበፅዐ፡ ሥርዓተ፡ ሕጋ፨
- ኀበ፡ ሀገሪትከ፡ ሐንታ፡ ገብረ፡ ማርያም፡ አበ፡ እንግልጋ፨
- ብእደ፡ ወለትከ፡ ኅሪት፡ እንተ፡ ተሰምየት፡ በጸጋ፨
- አመተ፡ ጽዮን፡ በንጽሕት፡ ወንድግልት፡ በሥጋ፨
-
- ዕበያቲከ፡ እዜኑ፡ ወእነግር፡ በውዳሴ፨
- ገብረ፡ ማርያም፡ ቀሲስ፡ ዘሦዕከ፡ መሥዋዕተ፡ ካዕሴ፨
- ምስለ፡ ሱራፌል፡ ካህናት፡ እለ፡ ይለብሱ፡ ሥእለ፡ ብናሴ?
- ድርገተ፡ ኮንከ፡ በላዕሉ፡ እንዘ፡ ትከውን፡ ብእሴ፨
- መንበረ፡ ጸባኦት፡ ትዕጥን፡ ወትቀድስ፡ ሥላሴ፨
-
- ናሁ፡ ፈጸምኩ፡ ወሰለጥኩ፡ በድርየ፨
- እንዘ፡ እነግር፡ ክብረከ፡ ወዘዚአከ፡ ዕበየ፨
- ገብረ፡ ማርያም፡ ዘንተ፡ ተወኪፈከ፡ አቡየ፨
- ንስቲተ፡ ለዐስብየ፡ እመዝገብከ፡ ሠናየ፨
- ድሉ፡ ሊተ፡ ኢታትርፍ፡ ጻማየ፨
-
- ስብሐት፡ ለከ፡ ወለዕበይከ፡ ሃሌ፨
- ወኍልቈ፡ ፍጥረታት፡ ዘታሕቱ፡ ወበፍቅደ፡ ግብር፡ ዘሉዓሌ፨
- አምላከ፡ ቅዱሳን፡ ትእዛዘከ፡ ዘጸሐፍኩ፡ በውስተ፡ ጽሌ፨
- ኢየኀድግ፡ ዘንተ፡ ተአምኖተከከሃሌ፨
- ኀበ፡ ተራከበኒላሕ፡ ወበጽሐኒ፡ ወይሌ፨