Details
-
- ሰላም፡ ለፅንሰትከ፡ ኵሎ፡ ዘአስተፍሥሐ፨
- ወለልደትከ፡ እምድር፡ ዘሰዐረ፡ ላሐ፨
- ሠምረ፡ ክርስቶስ፡ ዮሐንስ፡ ሰባኬ፡ ሐዲስ፡ ንሥሓ፨
- በዓልከ፡ ለዘሰበከ፡ በዐቢየ፡ ብዙኅ፡ አምኃ፨
- ዕሥዮ፡ በጽዮን፡ ዕሤተ፡ ብዙኀ፨
-
- ሰላም፡ ለዝክረ፡ ስምከ፡ ዘጸገወነ፡ ሰላመ፨
- ወለሥዕርትከ፡ ሰላም፡ ዘአርአየነ፡ መድምመ፨
- ሠምረ፡ ክርስቶስ፡ ለክብር፡ እንተ፡ ተጸዋዕከ፡ ቅድመ፨
- ሐውዕ፡ ሕሙማነ፡ ሕዝበከ፡ እንበለ፡ ትብል፡ ጌሠመ፨
- ወበውስተ፡ ቤትከ፡ ቤተ፡ ፍቅር፡ አስተርኢ፡ ቀዊመ፨
-
- ሰላም፡ ለግንዘተ፡ ሥጋከ፡ በአሰንዮ፡ ዐጽፍ፡ ሠናይ፨
- ወለመቃብሪከ፡ ደብረ፡ አንጻር፡ ለሕሙማን፡ ምጕያይ፨
- ሠምረ፡ ክርስቶስ፡ ባዕል፡ ለብእሲ፡ ነዳይ፨
- ሥመር፡ አባ፡ ጸሎትየ፡ በረድኤትከ፡ ንዋይ፨
- ወአግዕዞትየ፡ እምኵሉ፡ ጌጋይ፨
-
- እንዘ፡ አእኵቶ፡ ኣቀድም፡ ለቀዳማዊ፡ ሊቅከ፨
- ድርሳነ፡ መልክእ፡ ነቢበ፡ ለዘአትሎኩ፡ ወልድከ፨
- ሠምረ፡ ክርስቶስ፡ በለኒ፡ ዘበዓልከ፨
- ፍሬ፡ ከናፍር፡ ማሕሌተ፡ ህየንተ፡ ዘአቅረብኩ፡ ለከ፨
- ሰላመ፡ ዚአየ፡ የሀሉ፡ ምስሌከ፨