Details
-
- ሰላም፡ ለዝክረ፡ ስምከ፡ ዘተነበዩ፡ በእንቲአሁ፨
- ካህናተ፡ ሰማይ፡ አበው፡ እለ፡ መሰሉ፡ ኪያሁ፨
- ረድአ፡ ዮሐንስ፡ ቀውስጦስ፡ ወዐልከ፡ በውስተ፡ ጽርሑ፨
- ለዮሐንስ፡ አበ፡ ኵሉ፡ እንዘ፡ ታስተዴሉ፡ ናሁ፨
- መብልአ፡ ቅዱሳን፡ አብያጺከ፡ ዘመጽኡ፡ ኀቤሁ፨
-
- ሰላም፡ ለግንዘተ፡ ሥጋከ፡ ወለመቃብሪከ፡ ደብረ፡ ጋና፨
- ዘኢሀለዋ፡ ርስሐት፡ ወልማደ፡ ሰብእ፡ ሙስና፨
- ረድአ፡ ዮሐንስ፡ ቀውስጦስ፡ ሐዋርያ፡ ፍቅር፡ ወትሕትና፨
- ተጋብኡ፡ ያዕርግዋ፡ መላእክተ፡ ብዙኅ፡ ልዕልና፨
- ሰማያተ፡ ለሥጋከ፡ በብሩህ፡ ደመና፨
-
- ሰላም፡ ለፍልሰተ፡ ሥጋከ፡ ወለትንሣኤከ፡ እሙታን፨
- ወለዕርገትከ፡ ሰላም፡ ውስተ፡ ሰማያዊት፡ መካን፨
- ረድአ፡ ዮሐንስ፡ ቀውስጦስ፡ በማሕሌተ፡ ጥዑም፡ ልሳን፨
- ወረዱ፡ ይትቀበሉከ፡ መላእክተ፡ ሰማይ፡ ኄራን፨
- ወካህናተ፡ ሰማይ፡ አብያጺከ፡ ዘቦሙ፡ ሥልጣን፨
-
- ስብሐት፡ ለከ፡ ቀውስጦስ፡ መንፈሳዊ፨
- ስብሐት፡ ለከ፡ ቀውስጦስ፡ ዐርከ፡ መርዓዊ፨
- ስብሐት፡ ለከ፡ ቀውስጦስ፡ ዘውገ፡ ባሕታዊ፨
- ተማሕፀንኩ፡ በጸሎትከ፡ ወበኪዳንከ፡ ማሕየዊ፨
- ከመ፡ ታድኅነኒ፡ እምተሐጕሎ፡ ወእሞት፡ ግርማዊ፨