Details
- ማስገቢያ፡
-
- ፍቁረ፡ አምላክ፡ ዮሐንስ፡ ቀውስጦስ፡ ቴዎድሮስ፨
- ብስራተ፡ ማርያም፡ ዘክርስቶስ፡ ወጸጋ፡ ክርስቶስ፨
- ተዝካረ፡ ማርያም፡ ቄርሎስ፡ ወሠርጐ፡ ሥዻሴ፡ ዮሐንስ፨
- ዝክረ፡ ስምክሙ፡ ለእንተ፡ ትጼውዕ፡ ነፍስ፨
- ይኅድር፡ በላዕሌሃ፡ ዘአእላፍ፡ መንፈስ፨
-
- ሰላም፡ ለዝክረ፡ ስምከ፡ በልሳነ፡ መልአክ፡ እምቅድም፨
- እስመ፡ ፍካሬሁ፡ ተብህለ፡ ፍሥሓ፡ ኵሉ፡ ዓለም፨
- ቃለ፡ ዐዋዲ፡ ዮሐንስ፡ ዘንብረትከ፡ ገዳም፨
- ዮሐንስ፡ ዘደብረ፡ ጋና፡ መምህረ፡ ሃይማኖት፡ ቅውም፨
- ዮሐንስ፡ መርዓዊሃ፡ ለመርዐት፡ እም፨
-
- ሰላም፡ ለመቃብሪከ፡ መቅደሰ፡ አማኑኤል፡ ጋና፨
- በዕበይ፡ ወክብር፡ ዘትትሌዐል፡ እምደብረ፡ ሲና፨
- እንፎራ፡ ወንጌል፡ ዮሐንስ፡ መበይነ፡ ሐዲስ፡ ቀኖና፨
- ፍትሐኒ፡ በሥልጣንከ፡ ሥልጣነ፡ ስምዖን፡ ዘዮና፨
- እማዕሰረ፡ ጌጋይ፡ ጽኑዕ፡ ዘግብሩ፡ ሙስና፨
-
- አምጣነ፡ ንዴትየ፡ ለከ፡ ፍዳ፡ አቅረብኩ፡ አምኃ፨
- ወርቀ፡ ማሕሌት፡ ኅዳጠ፡ ወአኮ፡ ብዙኀ፨
- በትካዘ፡ ዓለም፡ ዮሐንስ፡ እምሰ፡ ልብየ፡ ነሥሓ፨
- ናዝዘኒ፡ በንባብከ፡ ወጸግወኒ፡ ፍሥሓ፨
- ወለለ፡ ጽባሑ፡ በለኒ፡ ፍቁርየ፡ በሐ፨
-
- ይትባረክ፡ እግዚአብሔር፡ በአፈ፡ ኵሉ፡ ፍጥረት፨
- ወትሴባሕ፡ እሙ፡ ኅሪት፡ ወብፅዕት፨
- ኦዮሐንስ፡ አበ፡ መነኮሳት፨
- እስመ፡ ወሀቡነ፡ በነቢበ፡ እሉ፡ ቃላት፨
- ተኣምረ፡ ዘገብርከ፡ በሕይወት፡ ወሞት፨