Details
-
- ኣእኵቶቶ፡ ኣቀድም፡ ለእግዚአብሔር፡ ዘወሀበነ፨
- አንተ፡ ላሊበላ፡ ንጉሥ፡ ወመስቀል፡ ክብራ፡ እምነ፨
- ውእቶሙ፡ ሕዝበ፡ እመ፡ ኢያትረፈ፡ ለነ፨
- ከመ፡ ሰዶም፡ ሥርወ፡ ዐመፃ፡ ወከመ፡ ገሞራ፡ እምኮነ፨
- ፍዳ፡ ጌጋይ፡ ወሞት፡ እምተሰልጠ፡ ላዕሌነ፨
-
- ሰላም፡ ለፅንሰትኪ፡ በዘርአ፡ ኢመፍትው፡ ሩካቤ፨
- ወለልደትኪ፡ ምዑዝ፡ እምልደተ፡ አንስት፡ ከርቤ፨
- መስቀል፡ ክብራ፡ ንበሪ፡ ከመ፡ ሊቀ፡ ሐዳስ፡ ይባቤ፨
- ዘያሔሊ፡ ወድሶተኪ፡ ምልአ፡ ኅሊናየ፡ ዐቃቤ፨
- ወነገረ፡ ዘርቅ፡ አፉየ፡ ኢይኩን፡ ነባቤ፨
-
- ሰላም፡ ለዝክረ፡ ስምኪ፡ ዘተጸውዐ፡ ሠናየ፨
- በአስተፍሥሖቱ፡ ነዳየ፨
- መስቀል፡ ክብራ፡ መርዐቱ፡ ለላሊበላ፡ አቡየ፨
- ዘክልኤክሙ፡ ሩካቤ፡ እምንጽሐ፡ መላእክት፡ ዐብየ፨
- ወንጽሐ፡ ክልኤቱ፡ አዕሩግ፡ ዘማዌ፡ ተሰምየ፨
-
- ሰላም፡ ለመቃብርኪ፡ ለምድረ፡ ባዕዳን፡ ካልእታ፨
- ድኅረ፡ መቃብሩ፡ ተነግረ፡ ለላሊበላ፡ በጎልጎታ፨
- መስቀል፡ ክብራ፡ ኩንኒ፡ መራሒተ፡ ጽድቅ፡ ፍና፡ ሐተታ፨
- ኢተሀሉ፡ ነፍሰ፡ ዚአየ፡ በፍናወ፡ ነገር፡ መንታ፨
- እንዘ፡ ፍና፡ ጽድቅ፡ ዋሕድ፡ ሀለወተኒ፡ በቤታ፨
-
- ሰላም፡ ለላሊበላ፡ ወለመስቀል፡ ክብራ፡ ጠባብ፨
- ወሕፃን፡ ይትባረክ፡ ዘልደተ፡ ግብሩ፡ ዕጹብ፨
- ይምርሐነ፡ ክርስቶስ፡ ገብረ፡ ማርያም፡ ወነአኵቶ፡ ለአብ፨
- ትወስኩ፡ ዕድሜ፡ ንስሓ፡ ላዕለ፡ ዕድሜየ፡ ቅሩብ፨
- እትመሐፀን፡ ገብርክሙ፡ በዝንቱ፡ ንባብ፨
-
- ለዘአቅረብኩ፡ በስሞሙ፡ አምኃ፡ ስብሐት፡ ወውዳሴ፨
- መስቀል፡ ክብራ፡ ብእሲተ፡ ወላሊበላ፡ ብእሴ፨
- በፍና፡ አሐዱ፡ ከዊን፡ እለ፡ ፈጠሩ፡ ሥላሴ፨
- ያብኡኒ፡ ተማሕፀንኩ፡ አመ፡ ደኃራዊ፡ ድምሳሴ፨
- ውሳጤ፡ መንጦላዕት፡ ሳብዕ፡ ዘነጸረ፡ ሙሴ፨