Bibliography
Z
ሄኖክ ገብረ ሚካኤል, ed. ገድል፡ ወተአምር፡ ዘአቡነ ስምዖን ወመልክዐ፡ ደቂቀ አቡነ አብሳዲ። ግእዝ-ትግርኛ, ፳፻፲፭ ዓ/ም.
-
- ሶበ፡ አብሳዲ፡ ፈለሰ፡ መንገለ፡ ሰማያት፡ ቤቱ፨
- ዘሡራሬሃ፡ አዳም፡ ወመንክር፡ ሥነ፡ ርእየቱ፨
- ነገደ፡ መላእክት፡ አእላፍ፡ ወረዱ፡ ለክብረ፡ ሞቱ፨
- እንዘ፡ ይዜምሩ፡ መኃልየ፡ ብስራት፡ ዝንቱ፨
- ሥርጉት፡ መርዓት፡ ኪያከ፡ ትፈቱ፨
-
- መኑ፡ ከማከ፡ መንክራቲሁ፡ ዘአርአየ፨
- በተፊአ፡ ምራቅ፡ ንስቲት፡ እንዘ፡ ያውሕዝ፡ ማየ፨
- አብሳዲ፡ ብዕል፡ ዘኢትሜንን፡ ነዳየ፨
- ተወኪፈከ፡ አምኃየ፡ እንበለ፡ ታእትት፡ ጻማየ፨
- በደመና፡ ኂሩት፡ ወፍቅር፡ የዐርግ፡ ሰማየ፨
-
- ሰላም፡ ለዝክረ፡ ስምከ፡ ዘተወደስ፡ ወተበፅዐ፨
- እምአስማተ፡ ጻድቃን፡ ዘኤሉ፡ ጸሎተ፡ ቅዱሳን፡ ምሥዋዐ፨
- አብሳዲ፡ ትጉህ፡ መሥዋዕተ፡ አምልኮ፡ በግዐ፨
- ምሕረትከ፡ ትሩጽ፡ እግዚኦ፡ ከመ፡ ኢንቁም፡ በአፍአ፨
- ኀበ፡ አምላክከ፡ ዘያፈቅር፡ ሰብአ፨
-
- ሰላም፡ ለግንዘተ፡ ሥጋከ፡ ወለመቃብሪከ፡ ዝንቱ፨
- ዘያጸድቅ፡ ነፍሰ፡ እንበለ፡ ምግባር፡ በከንቱ፨
- አብሳዲ፡ ጻድቅ፡ ለፈለገ፡ አሚን፡ ደሴቱ፨
- ተተክሉ፡ ጊዜ፡ ሞትከ፡ ደባትረ፡ ብርሃን፡ ሰብዓቱ፨
- እስመ፡ ለጻድቅ፡ ክቡር፡ ሞቱ፨
-
- ተወከፍ፡ አምኃየ፡ ህየንተ፡ ጽሪቅ፡ አሐዱ፨
- ኀበ፡ አንበረኒ፡ እንብብ፡ መንፈሰ፡ ወላዲ፡ ወወልዱ፨
- አብሳዲ፡ ጻድቅ፡ ለኤዎስጣቴዎስ፡ ምክሐ፡ ነገዱ፨
- እንበለ፡ ዝንቱ፡ አምኃየ፡ ወንዋያትየ፡ ውሕዱ፨
- ወለንዴትየ፡ ኆፃ፡ ኢይትዌሰን፡ ፍቅዱ፨