Details
-
- በስመ፡ እግዚአብሔር፡ ሥሉስ፡ ዕሩየ፡ ምልክና፡ በአካሉ፨
- ውዳሴ፡ መልክእከ፡ እጽሕፍ፡ ለትውልደ፡ ትውልድ፡ ዘይሄሉ፨
- ሰይፈ፡ ሚካኤል፡ ቄርሎስ፡ ለዐጽቀ፡ ሃይማኖት፡ ቈጽሉ፨
- ኢይቅስሙ፡ ፍሬ፡ ጽድቅከ፡ ኅጡኣነ፡ ሥርየት፡ አስካሉ፨
- ተአስሩ፡ በቃልከ፡ ሕዝበ፡ ካሕድ፡ ኵሉ፨
-
- ሰላም፡ ለዝክረ፡ ስምከ፡ ክብረ፡ ነዳያን፡ ነገድ፨
- ወለሥዕርተ፡ ርእስከ፡ ሰላም፡ ዘግልባቤሁ፡ መረግድ፨
- ሰይፈ፡ ሚካኤል፡ ሰሎሞን፡ ንጉሠ፡ ምናኔ፡ ውሉድ፨
- መኑ፡ እምግብር፡ ዘከማከ፡ እምግብረ፡ መላእክት፡ ልማድ፨
- እንበለ፡ ማርያም፡ እግዝእትከ፡ እምዓለም፡ ፈቃድ፨
-
- ሰላም፡ ትንሣኤከ፡ በጼወ፡ መለኮት፡ ዘተቀሥመ፨
- ዓዲ፡ ክብርከ፡ በደብረ፡ ኤራር፡ ተሠይመ፨
- ድኅረ፡ ጸአልከ፡ አባ፡ አበሳ፡ ዘማ፡ መርገመ፨
- ነዋ፡ ይብለከ፡ እግዚእከ፡ ምስለ፡ ኤዎስጣቴዎስ፡ ዓለመ፨
- እስመ፡ አልቦ፡ እንበሌክሙ፡ ዘነፍሶ፡ አድከመ፨
-
- ሰላም፡ ለከ፡ ኖላዊነ፡ ኄረ፨
- ኪያከ፡ ረሰየ፡ ለጽንፈ፡ ነገዱ፡ መምህረ፨
- ሰይፈ፡ ሚካኤል፡ ጽድቅከ፡ ሕንጻ፡ ቤተ፡ አሚን፡ ሣረረ፨
- ሀበኒ፡ ሊተ፡ እግዚኦ፡ ለብእሴ፡ ነገድ፡ ማኅደረ፨
- እስመ፡ በዓለ፡ ቤት፡ አንተ፡ ታፈቅር፡ ግዩረ፨
-
- መጻሕፍተ፡ ዜና፡ ይቤሉ፡ በረከተከ፡ በቃለ፡ ጉባኤ፡ ሐዲስ፨
- ሰሚዖሙ፡ ቅድመ፡ ሰይፈ፡ ሚካኤል፡ ውዱስ፨
- እምደብረ፡ ሊባኖስ፡ ቤትከ፡ ደብረ፡ ትክለ፡ አሚን፡ መቅደስ፨
- ባርከኒ፡ አባ፡ በረከተ፡ መንፈስ፡ ቅዱስ፨
- እስመ፡ ለእዴከ፡ ባረኮ፡ ክርስቶስ፨
-
- ስብሐት፡ ለእግዚአብሔር፡ እምነ፡ ማእምራን፡ ክፍለ፨
- ለፈጽሞ፡ ዝንቱ፡ ድርሳን፡ ዘአልበወኒ፡ ቃለ፨
- ሰይፈ፡ ሚካኤል፡ ስምከ፡ መልአከ፡ መድኃኒት፡ ተብህለ፨
- ዕሥየኒ፡ ዕሤተ፡ ጽድቅ፡ እምውስተ፡ ጸጋከ፡ ብዕለ፨
- ወህየንተ፡ ሠላሳ፡ ወክልኤቱ፡ ጸግወኒ፡ ሣህለ፨
- ተረፈ፡ መልክእ፡
-
- ሰላም፡ ለዕረፍትከ፡ በበዓለ፡ መልአክ፡ ቃለ፡ ማዕነቅ፨
- በምድረ፡ ሥርየት፡ ተሰምዐ፡ ቃለ፡ ዚአከ፡ ጽድቅ፨
- ሰይፈ፡ ሚካኤል፡ ኖላዊ፡ ለመርዔተ፡ ወንጌል፡ ደቂቅ፨
- ወይ፡ ሊተ፡ አሌ፡ ሊተ፡ አመ፡ ዕለተ፡ ወይሌ፡ ሥላቅ፨
- ጸሎትከ፡ ትባልሀኒ፡ ለብእሲ፡ ውዱቅ፨
-
- ሰላም፡ ለሀገሩ፡ ጽርሐ፡ ሥላሴ፡ ታዕካ፨
- በዓልተ፡ ኪዳን፡ ቅድስት፡ ምስካየ፡ አእላፍ፡ ዋካ፨
- ሰይፈ፡ ሚካኤል፡ ጳውሎስ፡ ንዋየ፡ ሃይማኖት፡ ምህርካ፨
- ያስተበጽዕዋ፡ ክቡታነ፡ ሞት፡ ምስማካ፨
- እስመ፡ ደብረ፡ ኤራር፡ ደብረ፡ ጽዮን፡ ትመስል፡ ፋሲካ፨