Details
-
- ይትባረክ፡ እግዚአብሔር፡ አምላከ፡ አበዊነ፡ ባሕቲቱ፨
- ዘገብረ፡ ዐቢየ፡ ወመንክረ፡ ውስተ፡ ሐቅለ፡ ገዳም፡ በሥምረቱ፨
- ወይምላእ፡ ምድረ፡ ስመ፡ ማርያም፡ ወላዲቱ፨
- እስመ፡ ቀመ፡ ኪዳኖ፡ በፍቅረ፡ ጎርጎርዮስ፡ ወምሕረቱ፨
- በላዕሌነ፡ ያስተርኢ፡ ኂሩቱ፨
-
- ብፅዕት፡ ከርሥ፡ እንተ፡ ጾረተከ፡ እንበለ፡ ጻሕቅ፨
- ወብፁዓት፡ አጥባት፡ እለ፡ ሐፀናከ፡ በበ፡ ሕቅ፨
- ሰባኬ፡ ንስሓ፡ ጎርጎርዮስ፡ ከመ፡ ዮሐንስ፡ መጥምቅ፨
- ናሁ፡ እነብብ፡ ውዳሴከ፡ ቅድመ፡ ማኅበራን፡ ደቂቅ፨
- ከመ፡ ሐዋርያት፡ ነበቡ፡ በመንፈስ፡ ረቂቅ፨
-
- ሰላም፡ ለፅንሰትከ፡ እምዘርአ፡ ብእሲ፡ ዘክርስቶስ፨
- ወለልደትከ፡ ዓዲ፡ እማሕፀን፡ ነአስ፨
- ጎርጎርዮስ፡ ጻድቅ፡ ዘተኀረይከ፡ እምከርሥ፨
- ስፋህ፡ እዴከ፡ ለባርኮ፡ ማኅበራነ፡ ዘኅን፡ ወመርስ፨
- በስመ፡ አብ፡ ወወልድ፡ ወመንፈስ፡ ቅዱስ፨
-
- ሰላም፡ ለዝክረ፡ ስምከ፡ ኀበ፡ ዐምደ፡ ወርቅ፡ ጽሑፍ፨
- በቀለመ፡ ወርቅ፡ ጽሩይ፡ ወበናክረ፡ ወርድ፡ ሱቱፍ፨
- ጎርጎርዮስ፡ ኅሩይ፡ እምነ፡ ኅሩያን፡ አእላፍ፨
- አድኅነኒ፡ በጸሎትከ፡ እመሥገርተ፡ ልሳን፡ ወአፍ፨
- እስመ፡ ልሳነ፡ ሰብእ፡ የአኪ፡ እምበሊህ፡ ሰይፍ፨
-
- ሰላም፡ ለትንሣኤ፡ ሥጋከ፡ በጊዜ፡ ይትነፋሕ፡ ቀርን፨
- በደብረ፡ ጽዮን፡ ቅድስት፡ እንተ፡ የዐውዳ፡ ብርሃን፨
- ጎርጎርዮስ፡ ድንግል፡ ሱታፌ፡ ቅዱሳን፡ ኄራን፨
- ክፍለኒ፡ አባ፡ ዘምስለ፡ አባግዕ፡ ቡሩካን፨
- ከመ፡ በየማን፡ እቁም፡ ወልድከ፡ ኅዙን፨
-
- ተዘከር፡ ማኅበረከ፡ ዘአቅደምከ፡ ፈጢረ፨
- እንዘ፡ ይብል፡ ዳዊት፡ ከመ፡ በመዝሙሩ፡ ዘመረ፨
- ተዘከረነ፡ እግዚኦ፡ በውስተ፡ መንግሥትከ፡ ወትረ፨
- እንዘ፡ ንብል፡ ንስእለከ፡ ማኅበራኒከ፡ ኅቡረ፨
- አምላከ፡ ጎርጎርዮስ፡ ዘሣረርከ፡ ሰማየ፡ ወምድረ፨
-
- ስብሐት፡ ለከ፡ አምላኪየ፡ በልሳነ፡ ኵሉ፡ ዘሥጋ፨
- ስብሐት፡ ለከ፡ አምላኪየ፡ በማኅበረ፡ ቅዱሳን፡ እንግልጋ፨
- ስብሐት፡ ለከ፡ አምላኪየ፡ በአፈ፡ ጎርጎርዮስ፡ ምሉአ፡ ጸጋ፨
- ስብሐት፡ ለከ፡ አምላኪየ፡ እንበለ፡ ሕጸጽ፡ ወንትጋ፨
- ስብሐተ፡ ትሥልስትከ፡ እዜኑ፡ ወእነግር፡ ሕጋ፨