Details
-
- ንዑ፡ ንሕሊ፡ ማሕሌተ፡ ለአባለ፡ ክርስቶስ፡ ጻድቅ፨
- እለ፡ ተጋባእነ፡ ዮም፡ እምነ፡ ቅሩብ፡ ወርሑቅ፨
- ዘያደነግፆ፡ ለፀር፡ አባለ፡ ክርስቶስ፡ መብረቅ፨
- ከመ፡ ያንግፈነ፡ እምእቶነ፡ እሳት፡ ዕሙቅ፨
- በቃለ፡ ኪዳን፡ ዘነሥአ፡ እም፡ አምላክ፡ ሊቅ፨
-
- ሰላም፡ ለፅንሰትከ፡ ወለልደትከ፡ ብርሃን፨
- ለአብ፡ ወእም፡ ምስለ፡ ብዙኃን፡ ጻድቃን፨
- አባለ፡ ክርስቶስ፡ ጻድቅ፡ ተወካፌ፡ ጽኑዕ፡ ኪዳን፨
- አውሐዝከ፡ ማየ፡ ማሕየዌ፡ ለመድኀኒተ፡ ሰብእ፡ ዱያን፨
- አምጣነ፡ ተውህበ፡ ለከ፡ ዘአምላክ፡ ሥልጣን፨
-
- ሰላም፡ ለዝክረ፡ ስምከ፡ ስቡሐ፡ ዘተሰብሐ፨
- በአፈ፡ መላእክት፡ ወሰብእ፡ እለ፡ ያፈቅሩ፡ ንጽሐ፨
- አባለ፡ ክርስቶስ፡ ዜናከ፡ ውስተ፡ አጽናፈ፡ ምድር፡ ዘበጽሐ፨
- ይገብሩ፡ ሕዝብ፡ በዓለከ፡ በተአምኖ፡ ብዙኀ፨
- ምስለ፡ በዓለ፡ ሊቅ፡ ገብርኤል፡ ዘኮነ፡ አሜሃ፨
-
- ሰላም፡ ለትንሣኤ፡ ሥጋከ፡ በዕለተ፡ ምጽአት፡ አባይ፨
- አመ፡ ይትጋብኡ፡ ሕዝብ፡ እለ፡ ውስተ፡ ምድር፡ ወሰማይ፨
- አባለ፡ ክርስቶስ፡ መልአክ፡ አምጣነ፡ መላእክት፡ ኅሩይ፨
- አስምዐኒ፡ ቃለ፡ ፍሥሓ፡ አመ፡ ዕለተ፡ ደይን፡ ዐባይ፨
- አምጣነ፡ ይሰብክ፡ ወልደ፡ ቃልከ፡ ነቢይ፨
-
- ተማሕፀንኩ፡ በጸሎትከ፡ ከመ፡ ትክፍለኒ፡ ጸጋ፨
- ጊዜ፡ ጸአታ፡ ለነፍስ፡ ወጊዜ፡ ዕረፍታ፡ ለሥጋ፨
- አባለ፡ ክርስቶስ፡ ሥመር፡ እንተ፡ ኵልነ፡ እንግልጋ፨
- ወብዕለ፡ ሐዳስ፡ ቤትነ፡ ከመ፡ ኢይኩን፡ ንትጋ፨
- በከመ፡ ይቤ፡ ጳውሎስ፡ ለምሥጢር፡ ፈለጋ፨
-
- ንዑ፡ ንብኪ፡ በንስሓ፡ ኀበ፡ ፈጣሪ፡ ክርስቶስ፨
- እምነ፡ ዘሥጋ፡ ማኅደር፡ እንበለ፡ ትትፈለጥ፡ ነፍስ፨
- ከመ፡ ይስአል፡ ለነ፡ ኀቤሁ፡ አባለ፡ ክርስቶስ፡ ቅዱስ፨
- ወምንተ፡ ኢነአብስ፡ ንብረተ፡ ዓለም፡ መብእስ፨
- አመ፡፡ በግርማሁ፡፡ ኀቤነ፡፡ ይመጽእ፡፡ ንጉሥ፨