Details
-
- ሰላም፡ ለዝክረ፡ ስምከ፡ ዘተሰብሐ፡ ወተወደሰ፨፨
- በአፈ፡ አምላክ፡ አሚነ፡ ወዕበየ፡ ስብሐት፡ ዘለብሰ፨
- ገብረ፡ ናዝራዊ፡ እትናበብ፡ ማሕሌተከ፡ ሐዲስ፨
- አፉየ፡ ምላእ፡ እግዚኦ፡ ማሕሌታዌ፡ መንፈሰ፨
- ወተናብቦትየ፡ ረሲ፡ ንባበ፡ ቅዱሰ፨
-
- ሰላም፡ ለመቃብሪከ፡ ኀበ፡ ዘሠምረ፡ ንጉሠ፡ ራማ፨
- ለመካነ፡ ቅድስት፡ ኀረይክዋ፡ ዘጽዋዔ፡ ዐቢይ፡ ወልዑል፡ ስማ፨
- ገብረ፡ ናዝራዊ፡ ርሱይ፡ በትርዒተ፡ ሞገስ፡ ወልብሰ፡ ግርማ፨
- ከመ፡ አቡከ፡ ንንሣእ፡ በረከቶ፡ ለመንፈስ፡ ቅዱስ፡ ፌማ፨
- ከመ፡ ያድኅነነ፡ እምእኩይ፡ መስቴማ፨
-
- ሰረገላ፡ መንበር፡ ይትሌዐል፡ ተፅዕንከ፡ ገብረ፡ ናዝራዊ፨
- ውስተ፡ በአትከ፡ ኀረይክዋ፡ ምስካየ፡ ኅሩይ፡ ባሕታዊ፨
- ህየንተ፡ አምኃ፡ ንጹሕ፡ ማሕሌተ፡ ያሬድ፡ ሌዋዊ፨
- ማየ፡ ሰሊሆም፡ በረከትከ፡ ሐዋርያ፡ ሰላም፡ ላዕላዊ፨
- ገነተ፡ ሰብእናየ፡ ይስቂ፡ ወነፍስየ፡ ያርዊ፨
- ተረፈ፡ መልክእ፡
-
- ሰላም፡ ለገብረ፡ ናዝራዊ፡ እንተ፡ ነጸረ፡ ወርእየ፨
- ለእግዚአብሔር፡ ገሀደ፡ ስብሐተ፡ ገጹ፡ ውኩየ፨
- በላዕለ፡ ምጥማቃትኒ፡ ሶበ፡ ውእቱ፡ ጸለየ፨
- አምሳለ፡ መብረቅ፡ ሰጢቆ፡ ሰማየ፨
- ብርሃነ፡ ጸጋ፡ ወረደ፡ ከመ፡ ይቀድስ፡ ማየ፨