Details
-
- ኦእግዚአብሔር፡ እሳተ፡ ኮሬብ፡ ዘአንበብከ፨
- ወነፋሰ፡ አዜብ፡ ዘአስተናበርከ፨
- መሬተ፡ ሕያው፡ ዱዳሌም፡ ምስለ፡ ማየ፡ ናጌብ፡ ድኅረ፡ ረሰይከ፨
- ከመ፡ እንብብ፡ መልክኣቲሁ፡ ለእንድርያስ፡ ገብርከ፨
- መልዕልተ፡ ልሳንየ፡ ይንበር፡ ነባቢ፡ ቃልከ፨
-
- ሰላም፡ ለዝክረ፡ ስምከ፡ ዘፊደላቲሁ፡ ሳድስ፨
- ከመ፡ ቃላቲሃ፡ ለሥርዓተ፡ ክርስቶስ፡ ሐዳስ፨
- እንድርያስ፡ ወሬዛ፡ መስተጽዕነ፡ መስቀል፡ ፈረስ፨
- ይዝርዎሙ፡ ለአፅራርየ፡ አቍጽለ፡ ገዳማት፡ ወየብስ፨
- መስቀለ፡ እዴከ፡ ገፋዒ፡ ነፋስ፨
-
- ሰላም፡ ለመቃብሪከ፡ ኀበ፡ ደብርከ፡ ደብረ፡ ጽማዌ፨
- ዘኀደርከ፡ ባቲ፡ በተገሥጾ፡ ግሩም፡ አርዌ፨
- ጻድቅ፡ እንድርያስ፡ ዘገዳማውያን፡ ሠርዌ፨
- ገሥጽ፡ በጸሎትከ፡ ቀታሌ፡ ብዙኅ፡ ደዌ፨
- እምላዕለ፡ ሥጋየ፡ ዐማፂት፡ ነነዌ፨
-
- ባርክ፡ እግዚአብሔር፡ በላዕሌየ፡ እምእብን፨
- መልክኣተ፡ እንድርያስ፡ እንብብ፡ በጾታ፡ ነባቢት፡ ልሳን፨
- አምጣነ፡ መሓሪ፡ ውእቱ፡ ወኀዳጌ፡ ዕዳ፡ ክዱን፨
- ባሕቱ፡ ኢትርስዑኒ፡ ነጺረክሙ፡ በዐይን፨
- ወሰሚዐክሙ፡ እምርኁቅ፡ በእዝን፨