Details
-
- ሰላም፡ ለፅንሰትከ፡ በአፈ፡ ማርያም፡ ዘተበስረ፨
- ወለልደትከ፡ ሰላም፡ በዕለተ፡ ልደታ፡ ዘኀብረ፨
- ኰኵሐ፡ ሃይማኖት፡ እንድርያስ፡ ዘታፈልስ፡ አድባረ፨
- ከመ፡ ታዕድወነ፡ እምባሕረ፡ ጌጋይ፡ ለደቂቅከ፡ ኅቡረ፨
- አስተዳሉ፡ ለነ፡ ኪዳነከ፡ ሐመረ፨
-
- ሰላም፡ ለዝክረ፡ ስምከ፡ እንተ፡ ይትበደር፡ እምወርቅ፨
- ወለሥዕርትከ፡ ሰላም፡ ከመ፡ ቈጽለ፡ ዘግባ፡ ጽፉቅ፨
- በመንፈስ፡ ቅዱስ፡ እንድርያስ፡ ወላዴ፡ ኅሩያን፡ ደቂቅ፨
- ቦኑ፡ እምሰብእ፡ ዘይትከሀሎ፡ በአየረ፡ ሰማይ፡ ምጡቅ፨
- አውርዶተ፡ መና፡ አርአያ፡ ሙሴ፡ ወብእሲ፡ ጻድቅ፨
-
- ሰላም፡ ለመቃብሪከ፡ ለቀርጤሰ፡ ዐርብ፡ በዐጸዳ፨
- እንተ፡ ይእቲ፡ ኢየሩሳሌም፡ ዘመዳ፨
- እንድርያስ፡ አቡነ፡ ዘተቀበርከ፡ በዐውዳ፨
- ተፈወሱ፡ እምደዌሆሙ፡ እለ፡ ተቀብኡ፡ ሐመዳ፨
- መካናትኒ፡ በበ፡ ስብዕ፡ ወለዳ፨
-
- ይትባረክ፡ እግዚአብሔር፡ ለእንድርያስ፡ ዘኀረዮ፨
- ወመዋርስቲሁ፡ ዘረሰዮ፨
- አምሳለ፡ እሙ፡ ድንግል፡ ኪዳነ፡ ምሕረት፡ አወፈዮ፨
- ወእክለ፡ አርያም፡ ወሀቦ፡ ሲሳዮ፨
- ወቤዛ፡ ኃጥኣን፡ ሰመዮ፡ ትዕግሥቶ፡ ርእዮ፨