Details
-
- እዌጥን፡ እንከ፡ ነገረ፡ ህላዌከ፡ በአምኆ፨
- ከመ፡ ስብሐቲከ፡ ይነግር፡ አፈ፡ ዚአየ፡ በከልሆ፨
- ኢያቄም፡ አቡነ፡ ዘልማድከ፡ ተራኅርኆ፨
- ዕቀብ፡ ፍቁራኒከ፡ በዘዚአከ፡ የውሆ፨
- እስመ፡ እምእዴከ፡ ይትረከብ፡ ዘሰማይ፡ መርሖ፨
-
- ሰላም፡ ሰላም፡ ለዝክረ፡ ስምከ፡ ቅዱስ፨
- ለሥዕርተ፡ ርእስከ፡ ካዕበ፡ ወለርእስከ፡ ውዱስ፨
- ኢያቄም፡ አንተ፡ ዘእምዘርአ፡ ዳዊት፡ ንጉሥ፨
- በሎሙ፡ ለአብያጺከ፡ እለ፡ ሀለዉ፡ በነፍስ፨
- ለሐውጾ፡ ዐርክየ፡ ንዑ፡ በዛቲ፡ መቅደስ፨
-
- ሰላም፡ ለግንዘተ፡ ሥጋከ፡ በልብሰ፡ ሰንዱናት፡ ሠናያን፨
- እንተ፡ ገነዝዎ፡ ጥቀ፡ ካህናተ፡ ብሌት፡ ኄራን፨
- ወመቃብሪከ፡ ዘኮነ፡ በምድረ፡ ዮፍኒ፡ መካን፨
- በከዩ፡ ወለሐዉ፡ ሕዝበ፡ እስራኤል፡ ጻድቃን፨
- በጊዜ፡ ሞትከ፡ ኢያቄም፡ ወረደ፡ ብርሃን፨
-
- ተወከፍ፡ ዘአቅረብኩ፡ ስብሐተ፡ አምኃ፨
- ህየንተ፡ አፍቅሮትየ፡ ባሕቱ፡ እስመ፡ ኢኮነ፡ ብዙኀ፨
- ኢትግድፍ፡ ወኢታንትግ፡ ዘስብሐቲከ፡ ረባሐ፨
- ሀበኒ፡ ዐስበ፡ ጻማየ፡ ለጸማድከ፡ ፍሩህ፨
- ወሃቤ፡ ሕይወት፡ ኢያቄም፡ ሰርከ፡ ወነግሀ፨
- ተረፈ፡ መልክእ፡
-
- ኦኢያቄም፡ ኦኢያቄም፡ ኦመተንብል፨
- በዓለ፡ ሞገስ፡ ዘኮንከ፡ እምኀበ፡ ክርስቶስ፡ ልዑል፨
- ይዕቀበነ፡ ወትረ፡ ትንብልናከ፡ ለለ፡ መዋዕል፨
- በእንተ፡ ማርያም፡ ወለትከ፡ ሰውረነ፡ እምሀጕል፨
- ወአድኅን፡ ነፍሳተነ፡ እመንሱት፡ ኀያል፨