Details
-
- እምጾታ፡ ሥላሴ፡ ዋሕድ፡ እንዘ፡ ኢይትፈለጥ፡ ምክረ፨
- አመ፡ በሐልዮ፡ ፈጸመ፡ ዓለመ፡ ሱባዔ፡ ገቢረ፨
- ከመ፡ ቃልከ፡ ሳሙኤል፡ ዜናሁ፡ ለኢሳይያስ፡ ፈከረ፨
- በመንክር፡ ዕበየ፡ ግርማ፡ ኀበ፡ ማርያም፡ ዘኀደረ፨
- መለኮቶ፡ ወልድ፡ ውስተ፡ ሥጋሃ፡ ደመረ፨
-
- ሰላም፡ ለፅንሰትከ፡ አካለ፡ ቅዳሴ፡ ዘአቀመ፨
- ወለልደትከ፡ መዋኢ፡ መርድአ፡ ሴሩህ፡ ዓለመ፨
- ድሙፀ፡ ፍካሬ፡ ሳሙኤል፡ ዘታድለቀልቅ፡ ገዳመ፨
- እጽሕፍ፡ በበ፡ አምሳሉ፡ እንዘ፡ እሬሲ፡ ቀለመ፨
- ለዘበእንቲአከ፡ ዜና፡ ይነግር፡ ሰላመ፨
-
- ሰላም፡ ለዝክረ፡ ስምከ፡ ዘተጸውዐ፡ ቀዲሙ፨
- አድባረ፡ ምድር፡ እምነ፡ ድኁኃን፡ ቅድመ፡ በሥርዓት፡ ይቁሙ፨
- መጽሐፈ፡ ሕይወትከ፡ ሳሙኤል፡ ዘኢይትፈታሕ፡ ማሕተሙ፨
- አምክረኒ፡ ምክረ፡ ድኂን፡ እመፅራርየ፡ ኵሎሙ፨
- ከመ፡ ለእስራኤል፡ ያዕቆብ፡ አፍቀረቶ፡ እሙ፨
-
- ሰላም፡ ለመቃብሪከ፡ ምድረ፡ ደብተራ፡ ሣህል፡ ታዕካ፨
- ታቦተ፡ ማርያም፡ ጽዮን፡ ኀበ፡ አስተርአየት፡ ዋካ፨
- ስምዐ፡ ትንሣኤሁ፡ ሳሙኤል፡ ለአማኑኤል፡ ፋሲካ፨
- እደዊነ፡ አንስት፡ ዜና፡ ግዕዛነ፡ በረከት፡ ይስብካ፨
- ውስተ፡ ሀገርነ፡ ዘትመስል፡ ፔካ፨
-
- ሰላም፡ ሰላም፡ ለአስኬማከ፡ ቅዱስ፨
- ዘተውህበ፡ ለከ፡ እምእንጦንዮስ፡ ቀሲስ፨
- ጽንዐ፡ ሕገ፡ ኦሪት፡ ሳሙኤል፡ መሠረተ፡ ቃላት፡ ሐዲስ፨
- መሐረኒ፡ ወንጌለ፡ ጸጋ፡ ሕይወተ፡ ሥጋ፡ ወነፍስ፨
- ዘተናግሮ፡ ገሀደ፡ ኢየሱስ፡ ክርስቶስ፨
-
- በቃለ፡ አምላኮ፡ ስብሐት፡ ለባሕርየ፡ አብ፡ ይደሉ፨
- ሰጊድ፡ ካዕበ፡ ለባሕርየ፡ ዋሕድ፡ ቃሉ፨
- ወለመንፈስ፡ ቅዱስ፡ ባርኮ፡ ዘይመስል፡ ባሕርየ፡ እሉ፨
- አባ፡ ሳሙኤል፡ ባሕቱ፡ ኢትግድፈነ፡ በኵሉ፨
- ወበረከትከ፡ ምስሌነ፡ የሀሉ፨