Details
-
- ዘስዋሬሆሙ፡ አተሉ፡ እምድኅረ፡ ብዙኃን፡ ቀደምት፡ እለ፡ ወጠኑ፡ ይንግሩ፨
- ውዳሴ፡ መልክእከ፡ ዝንቱ፡ ለልዑል፡ ቃለ፡ ነገሩ፨
- አባ፡ አረጋዊ፡ ዘመንፈስ፡ ቅዱስ፡ ቤተ፡ ማኅደሩ፨
- መላእክት፡ በልሳንየ፡ ዜና፡ ገድልከ፡ ይንግሩ፨
- ወውስተ፡ ልብየ፡ ጥበበ፡ ያኅድሩ፨
-
- ሰላም፡ ለዝክረ፡ ስምከ፡ ዘበሰማያት፡ ተገልፈ፨
- ወበማኅበር፡ ተጽሕፈ፨
- ወእምብሩር፡ ወወርቅ፡ እስመ፡ አፈቅረከ፡ ዘልፈ፨
- ፍድይ፡ ሊትአ፡ አረጋዊ፡ መካልየ፡ እልፈ፨
- ከመ፡ ስብሐቲከ፡ እንግር፡ ከሢትየ፡ አፈ፨
-
- ሰላም፡ ለተኀብኦትከ፡ ኀበ፡ ኢያእመረ፡ መኑ፨
- ለእግዚአብሔር፡ አምላክ፡ በምክረ፡ ጥበቡ፡ ወኪኑ፨
- አረጋዊ፡ ኢታንትግ፡ ሐውጾትየ፡ ለለ፡ ዘመኑ፨
- ወሠውረኒ፡ እስከ፡ ጊዜየ፡ ለመልአከ፡ ሞት፡ እምዐይኑ፨
- ከመ፡ በማኅበር፡ ዐኢይ፡ ጽድቀከ፡ እዜኑ፨
-
- ናሁ፡ አቅረብኩ፡ አምኃ፡ ማሕሌት፡ ንስቲተ፨
- ለክብረ፡ መልክእከ፡ ክቡር፡ እንዘ፡ አፈዊ፡ ስብሐተ፨
- አረጋዊ፡ አቡየ፡ ወማእምረ፡ ነፍስየ፡ አንተ፨
- ዘእንበለ፡ ታጥፍእ፡ ባሕቱ፡ ዘተመነይኩ፡ እሴተ፨
- በዓለመ፡ ተድላ፡ ዘይመጽእ፡ ሀበኒ፡ ትፍሥሕተ፨
-
- ስብሐተ፡ እግዚአብሔር፡ አምላኪየ፡ እንዘ፡ እነግር፡ በአምልኮ፨
- ወኪያሁ፡ ኣአኵት፡ በስብሐት፡ ወበባርኮ፨
- መልክአ፡ አቡክሙ፡ ረቂቅ፡ ክሡተ፡ ጌጋያት፡ ዘአኮ፨
- ንሥኡ፡ ወአንብቡ፡ ሰብአ፡ ዳሞ፡ ወኢታብኡ፡ ተሀውኮ፨
- መንፈስ፡ ቅዱስ፡ ይቤለክሙ፡ ጦማረ፡ ልኢኮ፨