Details
Subjects
Clavis Aethiopica: 0507
CAe: 0507
HK: 210, 253
Permalink: https://w3id.org/malke/0507/
Last modified:
HK: 210, 253
Permalink: https://w3id.org/malke/0507/
Last modified:
-
- ንዌጥን፡ ዝክረ፡ ፍልሰትክሙ፡ መምህራነ፡ ዛቲ፡ ዐጸድ፨
- ዘተረከብክሙ፡ ጽዕድዋነ፡ ከመ፡ ሕብረ፡ ፀምር፡ ወበረድ፨
- በዛቲዕለት፡ ሰንበተ፡ ዋሕድ፨
- አስትዩ፡ ውሉደክሙ፡ ጽዋዐ፡ ባርኮ፡ በእድ፨
- ከመ፡ አስተዮ፡ ኡራኤል፡ ለሱቱኤል፡ ነግድ፨
-
- ሰላም፡ ለፍልሰተ፡ ዐፅምክሙ፡ በዕለተ፡ በዓሉ፡ ዐባይ፨
- ለሰማዕተ፡ ልዳ፡ ፀሓይ፨
- ኦመምህራን፡ ጻድቃነ፡ ድማኅ፡ ምስካይ፨
- ባርኩ፡ ባርኮ፡ በቃለ፡ ቡራኬ፡ ሠናይ፨
- እለ፡ ተወለድነ፡ እመንፈስ፡ ወማይ፨
-
- ሰላም፡ ለፍልሰትክሙ፡ በዕለተ፡ ዐባይ፡ ሰንበት፨
- እንተ፡ አዕረፈ፡ ባቲ፡ እምግብረ፡ ሥቃዩ፡ ሰማዕት፨
- ተክለ፡ አልፋ፡ ወቶማስ፡ መምህራነ፡ ድማኅ፡ ቅድስት፨
- ለአበው፡ አዕፅምቲክሙ፡ እግዚአ፡ ኵሉ፡ ፍጥረት፨
- ኢኀደገ፡ ይሥሐጦሙ፡ ነዳዲ፡ እሳት፨
-
- ሰላም፡ ለፍልሰትክሙ፡ ውስተ፡ ድማኃዊት፡ ምኵራብ፨
- ዘተሥዕለ፡ ባቲ፡ ሥዕለ፡ ሃይማኖት፡ ኪሩብ፨
- ተክለ፡ አልፋ፡ ወቶማስ፡ አዕማደ፡ ቤቱ፡ ለአብ፨
- ይጸሐፍ፡ በፍልሰትክሙ፡ መጽሐፈ፡ ተኣምር፡ ጥበብ፨
- ሥረተ፡ ነጽሮ፡ ይግበሩ፡ ዕዉራን፡ አርጋብ፨
-
- ሰላም፡ ለደብርክሙ፡ ዘመሠርአታ፡ ጥዩቅ፨
- ወየዐርግ፡ ባቲ፡ መሥዋዕተ፡ ሰላም፡ ወዕርቅ፨
- ተክለ፡ አልፋ፡ ወቶማስ፡ መምህራነ፡ ጽድቅ፨
- ኢይርአዩ፡ ሕማማቲሃ፡ ለዓለመ፡ ጻማ፡ ደቂቅ፨
- በዓለም፡ ተዘግበ፡ ክብርክሙ፡ ወርቅ፨
-
- አምኃ፡ ውዳሴ፡ ለዘአቅረብነ፡ ጊዜ፡ ፍልሰትክሙ፡ ስቡሐ፡ አምላክ፨
- አሣዕነ፡ ረድኤት፡ ግበሩ፡ በእዴክሙ፡ ቡሩክ፨
- ተከሥተ፡ ብርሃን፡ ወቶማስ፡ ወተክለ፡ አልፋ፡ መልአክ፨
- ይትመላህ፡ በዕለተ፡ ፍዳ፡ እምእግረ፡ ነፍስየ፡ ብርክ፨
- በእግረ፡ አዳም፡ መሬት፡ ዘበቈለ፡ ሦክ፨
-
- ስብሐት፡ ለእግዚእክሙ፡ ይደሉ፡ በአስተሐምሞ፨
- ዘሃይማኖተ፡ ቃል፡ ተዐቅብ፡ ተከሥተ፡ ብርሃን፡ አርምሞ፨
- ዘወልደ፡ ማርያም፡ ዓዲ፡ ዘትምዕዝ፡ እምቀናንሞ፨
- ገድልክሙ፡ ፍሉጠ፡ ግብር፡ ሶበ፡ ለልቡ፡ አደሞ፨
- እስመ፡ ግብረ፡ ዘወሀበኒ፡ ፈጸምኩ፡ ፈጽሞ፨