Details
-
- ሰላም፡ ለፅንሰትከ፡ ወለልደትከ፡ ቡሩክ፨
- እምነ፡ አሐቲ፡ ማሕፀን፡ ወእምነ፡ ክልኤ፡ አብራክ፨
- ሐራ፡ ድንግል፡ አብርሃም፡ ፍቁረ፡ አሐዱ፡ አምላክ፨
- አዕርጎ፡ በመሥዋዒከ፡ ዐጸደ፡ ጸላኢ፡ ድሩክ፨
- ለይስሐቅ፡ ሰላምከ፡ ዘአልቦ፡ ሀከክ፨
-
- ሰላም፡ ለዝክረ፡ ስምከ፡ ዘይሴባሕ፡ ወይትበፃዕ፨
- በአፈ፡ ብዙኃን፡ ጻድቃን፡ ወልሳነ፡ ኵሉ፡ ኃጥእ፨
- በደብተራ፡ መስቀል፡ ገዳም፡ አምሳለ፡ ነባቢ፡ በግዕ፨
- ተሦዕከ፡ ሐራ፡ ድንግል፡ ለቤዛ፡ ቅኑያን፡ ሰብእ፨
- እስመ፡ ቃለ፡ ሥምረት፡ አውአተከ፡ በዘመን፡ ባቍዕ፨
-
- ሰላም፡ ለግንዘተ፡ ሥጋከ፡ በልብሰ፡ መነኮስ፡ ጻድቅ፨
- ለመቃብሪከኒ፡ ምስካየ፡ ግፉዓን፡ ደቂቅ፨
- እስመ፡ ሐራ፡ ድንግል፡ ተጽዕንከ፡ በክነፈ፡ ነፋስ፡ ረቂቅ፨
- ኢኬድዋ፡ ለገዳምከ፡ ሕዝበ፡ ንስጥሮስ፡ ዕሩቅ፨
- እምልብሰ፡ አእምሮ፡ ሥርጋዌ፡ ልብሱ፡ ለቄርሎስ፡ ሊቅ፨
-
- ሰላም፡ ለምኔትከ፡ ሀገረ፡ ሃይማኖት፡ እስክንድርያ፨
- እንተ፡ ይእቲ፡ መክፈልቱ፡ ለማርቆስ፡ ሐዋርያ፨
- ዲዮስቆሮስ፡ ሊቅ፡ ሐራ፡ ድንግል፡ ነባቤ፡ መለኮት፡ ኬንያ፨
- ሃይማኖት፡ ሙስንተ፡ ግብር፡ ዘሮምያ፨
- ፈለሰት፡ በትምህርትከ፡ እᎀውድከ፡ ነያ፨
-
- ሰላም፡ ለሞትከ፡ ሐራ፡ ድንግል፡ አቡነ፨
- በዕለተ፡ በዓላ፡ ለሐና፡ ወለኢያቄም፡ ዘኮነ፨
- ክብረ፡ በዓልከ፡ ወይን፡ ዘያስተፌሥሕ፡ ኅዙነ፨
- ምስለ፡ ፋሲለደስ፡ ሰማዕት፡ በጕጕዐ፡ ወገላውዴዎስ፡ ፍጡነ፨
- ነዓ፡ ነዓ፡ እምህላዌከ፡ ለምሕረት፡ ኀቤነ፨
-
- አምኃ፡ ሰላም፡ አቅረብኩ፡ ለመልክእከ፡ በኍልቁ፨
- እስመ፡ በኵሉ፡ ተገብረ፡ ሥነ፡ ኂሩቱ፡ ወጽድቁ፨
- ሐራ፡ ድንግል፡ ይስሐቅ፡ ምክሕ፡ ልበ፡ ያዕቆብ፡ ወደቂቁ፨
- አንተኒ፡ በለኒ፡ አባላትየ፡ ቅድመ፡ በመቃብር፡ ይደቁ፨
- ነዋ፡ ተሰልጠ፡ በረድ፡ ኤትከ፡ ለልብየ፡ ጻህቁ፨