Details
-
- ሰላም፡ ለዝክረ፡ ስምከ፡ ስመ፡ ሥላሴ፡ ቅድስት፨
- እንዘ፡ መሠረታ፡ እገብር፡ በዘተውህበኒ፡ ሀብት፨
- ፍሬ፡ ከርሠ፡ ወልዱ፡ ዮስጢኖስ፡ ለዮሐንስ፡ ከማ፡ ሰማዕት፨
- ከመ፡ ትኩን፡ እምነ፡ ጻማ፡ ዕረፍተ፡ ሥሩሓን፡ አግብርት፨
- ናሁ፡ ወጠንክዋ፡ ለክብርከ፡ ቤት፨
-
- ሰላም፡ ለሥዕርተ፡ ርእስከ፡ በኅሊና፡ አምላክ፡ እለ፡ ተሐቱ፨
- ወለርእስከ፡ ሰላም፡ ዘጾረ፡ መስቀለ፡ ሞቱ፨
- ዮስጢኖስ፡ አብርሃም፡ መፍቀሬ፡ አጋእዝት፡ ሠለስቱ፨
- ለውዳሴከ፡ ዘወጠንክዋ፡ እስመ፡ ፈጽሞታ፡ እፈቱ፨
- መንፈሰ፡ ረድኤትከ፡ ፈኑ፡ ከመ፡ እንብብ፡ ቦቱ፨
-
- ሰላም፡ ለግንዘተ፡ ሥጋከ፡ ወለመቃብሪከ፡ ደብተራ፨
- አዕጽምተ፡ መሬት፡ ሥጋከ፡ አመ፡ ውሳጤሃ፡ ተገምራ፨
- ለሕምምተ፡ ማሕፀን፡ ዮስጢኖስ፡ ዐይነ፡ ምሕረትከ፡ አመ፡ ነጸራ፨
- ሶበ፡ ተቀብአት፡ እምጸበልከ፡ ከመ፡ ተሐዩ፡ አእሚራ፨
- በትፍሥሕት፡ ምስለ፡ ወልዳ፡ አተወት፡ ብሔራ፨
-
- ሰላም፡ ለምኔትከ፡ ወለማኅበርከ፡ አእላፍ፨
- ከመ፡ ኢይርስዑኒ፡ ሊተ፡ በጸጋሆሙ፡ ትሩፍ፨
- አርዘ፡ ንጽሕና፡ ዮስጢኖስ፡ ምጽላለ፡ ኃጥኣን፡ አዕዋፍ፨
- እስመ፡ ሰክረ፡ ልበ፡ ዚአየ፡ በፍቅረ፡ ኀጢአት፡ ፃዕፍ፨
- ጊዜ፡ አንብቦታ፡ ወጠንኩ፡ ለዛቲ፡ መጽሐፍ፨
-
- ለመንግሥተ፡ ሰማይ፡ መርዓት፡ ዮስጢኖስ፡ መርዓዊሃ፨
- መንሥኤ፡ ሙታን፡ ቀርን፡ አመ፡ ለጸውዖ፡ ተነፍሐ፨
- ማኅደረ፡ ነፍስየ፡ ግበር፡ መንገለ፡ ሀሎ፡ ፍሥሓ፨
- በጽባሕ፡ ወበምሴት፡ ለአቅርቦ፡ ዘንቱ፡ አምኃ፨
- እስመ፡ ብእሴ፡ እበድ፡ ገብርከ፡ ጻመውኩ፡ ብዙኀ፨