Details
-
- በስመ፡ አብ፡ ወወልድ፡ ወመንፈስ፡ ቅዱስ፡ ሥላሴ፨
- ህልዋነ፡ አስማት፡ እሉ፡ እምቅድመ፡ ፀሓይ፡ ወብናሴ፨
- በከመ፡ ይቤ፡ ዳዊት፡ መትልወ፡ መሳፍንት፡ ወእለ፡ ሙሴ፨
- ኣአትብ፡ ገጽየ፡ ለአቅርቦ፡ ቃለ፡ መንፈሳዊ፡ ውዳሴ፨
- ለኤጲስ፡ ቆጶሳት፡ አበው፡ ዘግሩም፡ ቅዳሴ፨
-
- ሰላመ፡ ሠለስቱ፡ ምእት፡ ዐሠርቱ፡ ወሰመንቱ፨
- እለ፡ ጉባኤ፡ ጽድቅ፡ ገብሩ፡ ለአርዮስ፡ ጊዜ፡ ክሕደቱ፨
- ናሁ፡ ጸሐፍኩ፡ ለቴዎፍሎስ፡ አመ፡ መንግሥቱ፨
- መቅደሰ፡ ክብሮሙ፡ እስመ፡ ሐነጸ፡ ውእቱ፨
- ወበስመ፡ እሉ፡ አዘዘ፡ ይትገበር፡ ታቦቱ፨
-
- ሰላም፡ ለዝክረ፡ ስምክሙ፡ ዘበአፈ፡ ኵሉ፡ ስቡሕ፨
- ወለሥዕርትክሙ፡ ካዕበ፡ ዘኍላቌሁ፡ ብዙኅ፨
- ሊቃውንተ፡ ምግቡ፡ ሐዲስ፡ ለቈስጠንጢኖስ፡ መካሕ፨
- ኪያክሙ፡ እስመ፡ አንገሠ፡ ምግበ፡ ቴዎፍሎስ፡ መሲሕ፨
- ለአቅርቦ፡ ጋዳ፡ ማሕሌተ፡ ክብር፡ ልብየ፡ ትጉህ፨
-
- ሰላም፡ ለግንዘተ፡ ሥጋክሙ፡ ዘኅቡር፡ ኪኑ፨
- ወለመቃብሪክሙ፡ ካዕበ፡ ዘለለ፡ አሐዱ፡ መካኑ፨
- ሠለስቱ፡ ምእት፡ ለክርስቶስ፡ አዕይንተ፡ ብሩህ፡ ብርሃኑ፨
- እስመ፡ ብየ፡ አርዌ፡ ተስናን፡ ዘዐሥር፡ ቀርኑ፨
- በአምሳለ፡ አርዮስ፡ ሎቱ፡ ኪያሁ፡ ኰነኑ፨
-
- ሰላም፡ ለኍላቌክሙ፡ መጠነ፡ አምአት፡ ሠለስቱ፨
- ዐሠርቱ፡ ወሰማንቱ፡ እለ፡ ትትዌከሉ፡ ቦቱ፨
- እለ፡ በስምክሙ፡ ሊቃውንት፡ ዐበይተ፡ መናብርት፡ አርባዕቱ፨
- እንበለ፡ ሃይማኖት፡ አሐቲ፡ እንተ፡ አቀምክሙ፡ ሎቱ፨
- ኢይጸድቅ፡ ሰብእ፡ ወድኂን፡ አልቦቱ፨
-
- ሰላም፡ ለጳጳሳት፡ እለ፡ ስሞሙ፡ አብርሀ፨
- ለብሔረ፡ ግብጽ፡ በአድያሚሃ፨
- አፍራሰ፡ ሕይወት፡ እሉ፡ በብሂለ፡ ዕንቋ፡ ወፍሥሓ፨
- ዘኬዱ፡ ውስተ፡ ባሕር፡ ወዘወረዱ፡ አሜሃ፨
- እለ፡ የሐምጉ፡ ማያተ፡ ብዙኀ፨
- ሰአሉ፡ ለነ፡ ሠለስቱ፡ ምእት፡ ቅድመ፡ መንበሩ፡ ለጸባኦት፨