Details
-
- በስመ፡ ሥላሴ፡ ነገሥት፡ ወኂሩቶሙ፡ ድንግል፨
- ድርሳነ፡ መልክእከ፡ እንብብ፡ ዘጣዕመ፡ ንባቡ፡ ወንጌል፨
- ፀሓየ፡ ዓለም፡ አንበስ፡ ወኮከበ፡ ገዳም፡ ጽዱል፨
- አንቅሐኒ፡ እምሀኬትየ፡ መጠነ፡ አንቅሖተ፡ ትክል፨
- ወተናበበኒ፡ በሐዋዝ፡ ቃል፨
-
- ሰላም፡ ለዝክረ፡ ስምከ፡ በስመ፡ አንበሳ፡ ግሩም፨
- ዘአስተማሰልዎ፡ ቀደምት፡ ነቢያተ፡ ጸሎት፡ ወጾም፨
- ዐምደ፡ ሃይማኖት፡ አንበስ፡ ወዘውገ፡ መላእክት፡ አፍሓም፨
- ባርከነ፡ በመስቀልከ፡ ለዘደቂቀ፡ ዛቲ፡ ዓለም፨
- ወአሕይወነ፡ እምእኩይ፡ ሕማም፨
-
- ሰላም፡ ለመቃብሪከ፡ ካልእተ፡ ታቦር፡ ደብረ፡ ምሥጢሩ፨
- ለዘገብረ፡ ኵሎ፡ በዘኢይትነገር፡ ግብሩ፨
- በለሰ፡ ሃይማኖት፡ አንበስ፡ ዘታፈሪ፡ ለለ፡ አሚሩ፨
- አንተኑ፡ ሳሙኤል፡ ዘደብረ፡ ቍየጻ፡ ማኅደሩ፨
- ወሳሙኤል፡ ገዳማዊ፡ ዘዋሊ፡ ሀገሩ፨
-
- ናሁ፡ ፈጸምኩ፡ ድርሳነ፡ መልክእከ፡ ዘኢኮንኩ፡ ማእምረ፨
- እምነ፡ ኅዳጥ፡ ብዙኅ፡ እንዘ፡ እከፍል፡ ምሥጢረ፨
- ገብረ፡ ወላዲቱ፡ አንበስ፡ ለዘሰማየ፡ ገብረ፨
- ባሕቱ፡ አባ፡ ከመ፡ ቃለ፡ ወንጌል፡ ነገረ፨
- እምነ፡ ኅዳጥ፡ ብዙኅ፡ ጽግወኒ፡ ክብረ፨