Bibliography
Z
ሄኖክ ገብረ ሚካኤል, ed. ገድል፡ ወተአምር፡ ዘአቡነ ስምዖን ወመልክዐ፡ ደቂቀ አቡነ አብሳዲ። ግእዝ-ትግርኛ, ፳፻፲፭ ዓ/ም.
-
- በስመ፡ እግዚአብሔር፡ ሥሉስ፡ ወበቃለ፡ ስሙ፡ ዘኦ፨
- ወበስመ፡ ማርያም፡ ድንግል፡ እመ፡ ወጠንኩ፡ እምልኦ፨
- ዘመደ፡ ቅዱሳን፡ ዳንኤል፡ ዘለባሕረ፡ ጥበብ፡ ትበውኦ፨
- በሎ፡ ለእግዚእየ፡ እግዚኦ፡ እግዚኦ፨
- ለዘይነብብ፡ መልክእየ፡ በጸጋ፡ ርድኦ፨
-
- ሰላም፡ ለዝክረ፡ ስምከ፡ ዝክረ፡ እምሔው፡ ዘነሥአ፨
- ለሐቂፈ፡ አምላክ፡ ቡሩክ፡ ዘእመንበሩ፡ ተንሥአ፨
- በዑለ፡ ትሩፋት፡ ዳንኤል፡ እንተ፡ ትጼጉ፡ ምሉአ፨
- አውፅእ፡ እምላዕሌየ፡ እመ፡ ውስተ፡ ልብየ፡ ቦአ፨
- ከመ፡ እግዚእከ፡ እምኀጥእት፡ ጋኔነ፡ አውፅአ፨
-
- ሰላም፡ ለመቃብሪከ፡ በዘደቦኔ፡ ገዳም፨
- ገዳመ፡ ብዙኅ፡ ሰላም፨
- ጸዋሬ፡ መስቀሉ፡ ዳንኤል፡ ለወልደ፡ ድንግል፡ ማርያም፨
- አንግፈነ፡ በጸሎትከ፡ ለእለ፡ በሥጋ፡ ወዐፅም፨
- እስመ፡ ይጸንሑነ፡ ለመሲጥ፡ በኵሉ፡ አእዋም፨
-
- ሰላም፡ ለትንሣኤከ፡ በአመ፡ ይትነፋሕ፡ ቀርን፨
- በአፈ፡ ሚካኤል፡ መስፍን፨
- አመ፡ ክርስቶስ፡ ያቀውም፡ አባግዒሁ፡ በይምን፨
- ዐሥረነ፡ በኪዳንከ፡ በዘወሀበከ፡ መድኅን፨
- ከመ፡ ገጻቲሃ፡ ኢንርአይ፡ ለጸዋግ፡ ደይን፨
-
- አምኃ፡ ስብሕት፡ አቅረብኩ፡ መጠነ፡ ዐቅምየ፡ ሊተ፨
- ለክብረ፡ ክቡር፡ ጽድቅከ፡ እንዘ፡ ኣቄርብ፡ ስብሐተ፨
- ማእምረ፡ ኅቡእ፡ ዳንኤል፡ መናዝዘ፡ ሕዙን፡ አንተ፨
- እንበለ፡ ትትሐየይ፡ ሕቀ፡ እንተ፡ አቅረብኩ፡ ንስቲተ፨
- በመንግሥተ፡ ሰማይ፡ ምስሌከ፡ ሀበኒ፡ ሕይወተ፨
-
- ዳንኤል፡ አቡነ፡ ሰባኬ፡ ኤርትራ፡ መካን፨
- ከመ፡ ዘሰበኩ፡ ቅድመ፡ ተወልደ፡ መድኅን፡ ወስምዖን፨
- ዘገዳመ፡ ደቦኔ፡ ዳንኤል፡ ካልኣ፡ ዳንኤል፡ ረባን፨
- እስየኒ፡ ለገብርከ፡ ህየንተ፡ ድርሳን፨
- ዘአቅረብኩ፡ ለከ፡ አርብዐ፡ ወሳምን፨