Bibliography
Z
ሄኖክ ገብረ ሚካኤል, ed. ገድል፡ ወተአምር፡ ዘአቡነ ስምዖን ወመልክዐ፡ ደቂቀ አቡነ አብሳዲ። ግእዝ-ትግርኛ, ፳፻፲፭ ዓ/ም.
-
- በስመ፡ እግዚአብሔር፡ ሥሉስ፡ ዘይቤ፡ እግዚአብሔር፡ አንሰ፨
- ማእከለ፡ ጽፉቅ፡ ጽልመት፡ በጊዜ፡ ፈጠረ፡ ለንጳሰ፨
- ናሁ፡ ወጠንኩ፡ እንዘ፡ እገኒ፡ ሥሉሰ፨
- ከመ፡ እንብብ፡ እስከ፡ ፍጻሜ፡ ድርሳነ፡ መልክዕከ፡ ፈውሰ፨
- ጸግወኒ፡ ስምዖን፡ ልሳነ፡ ሐዲሰ፨
-
- ሰላም፡ ለፅንሰትከ፡ በከርሠ፡ ሥርዐት፡ ወሕግ፨
- ወለተወልዶትከ፡ ብርሃን፡ ሰዳዴ፡ ጽልመት፡ ጸዋግ፨
- ዘተወልደ፡ መድኅን፡ ስምዖን፡ ወዘአብሳዲ፡ ሐረግ፨
- ይሰፍሑ፡ አዕፁቂከ፡ በደብረ፡ ሰላም፡ ምዕራግ፨
- ነሢኦሙ፡ ዘለከ፡ ፈለግ፨
-
- ሰላም፡ ለዝክረ፡ ስምከ፡ እንተ፡ ይሰማዕ፡ በድምፅ፨
- ቅድመ፡ ጥንተ፡ ረቡዕ፡ ፊደል፡ ዘበዐይነ፡ ትንቢት፡ ሕኑጽ፨
- ቢጸ፡ ገብረ፡ መንፈስ፡ ቅዱስ፡ ስምዖን፡ ወካልእ፡ ስምዖን፡ ዘግብጽ፨
- ስመ፡ ዚአከ፡ ውስተ፡ ዐምደ፡ ብርሃን፡ ቅሩጽ፨
- አኮ፡ በእብን፡ ወአኮ፡ በዕፅ፨
-
- ሰላም፡ ለመቃብሪከ፡ ለደብረ፡ ሰላም፡ በውስጣ፨
- ሥጋከ፡ ወነፍስከ፡ በጊዜ፡ ተፈልጣ፨
- ምልክአም፡ ስምዖን፡ ጸዋሬ፡ ቃላት፡ የውጣ፨
- ደናግል፡ ኪዳናቲከ፡ ዕፍረተ፡ ድኂን፡ ይፅዐጣ፨
- ለተዋሕዶ፡ ወርቀ፡ ሥላሴ፡ ዘክቡር፡ ሤጣ፨
-
- አምኃ፡ ሰላም፡ አቅረብነ፡ ለመልክእከ፡ ዝንቱ፨
- አርብዓ፡ ወተስዐቱ፨
- ፍልሰተ፡ ዚአከ፡ ስምዖን፡ ለወርኀ፡ ጥቅምት፡ ኀምስቱ፨
- ምስለ፡ ወርኀ፡ ስደት፡ ዘእም፡ ወማሕሌተ፡ ጽጌ፡ ውእቱ፨
- ትርድአነ፡ በኪዳንከ፡ ዘንሴፎ፡ ቦቱ፨
-
- ሰላመ፡ መልክኡ፡ ለስምዖን፡ ዘደብረ፡ ሰላም፡ መካኑ፨
- ናሁ፡ ጸሐፍነ፡ እንዘ፡ ናስተዋፅእ፡ እምነ፡ ድርሳኑ፨
- ባርከነ፡ ስምዖን፡ በቡራኬ፡ አምላክ፡ እልመክኑ፨
- ዘባረከ፡ አንተ፡ ዘኢረብሐ፡ መኑ፨
- ወዘባረኮሙ፡ አንተ፡ ቡሩካነ፡ ኮኑ፨
- ተረፈ፡ መልክእ፡
-
- ሰላም፡ ለክሙ፡ ዳንኤል፡ ወኤዎስጣቴዎስ፨
- አብሳዲ፡ ወሙሴ፡ ዘካርያስ፡ ወዮናስ፨
- ተወልደ፡ መድኅን፡ ክቡር፡ ስምዖን፡ ወሮማኖስ፨
- ተዐየኑ፡ ዐውደ፡ ዘውራ፡ ለደብረ፡ ሰላም፡ መቅደስ፨
- ምስለ፡ ምናሴ፡ ወዳንኤል፡ ወሴት፡ ወማትያስ፨