Bibliography
Z
ሄኖክ ገብረ ሚካኤል, ed. ገድል፡ ወተአምር፡ ዘአቡነ ስምዖን ወመልክዐ፡ ደቂቀ አቡነ አብሳዲ። ግእዝ-ትግርኛ, ፳፻፲፭ ዓ/ም.
-
- በስመ፡ እግዚአብሔር፡ ዋሕድ፡ ዘሀሎ፡ ወይሄሉ፨
- ወበስመ፡ ማርያም፡ ድግንል፡ ዘተሳተፈት፡ በቃሉ፨
- ለፊቅጦር፡ እጽሕፍ፡ ውዳሴ፡ መልክኡ፡ ወገድሉ፨
- ምስለ፡ ቂርቆስ፡ ወእስጢፋኖስ፡ ዘተደመረ፡ በዓሉ፨
- እለ፡ ሰምዑ፡ ወእለ፡ ርእዩ፡ ያንብብዎ፡ ኵሉ፨
-
- ሰላም፡ ለዝክረ፡ ስምከ፡ ፊቅጦር፡ ንህብ፨
- ዘትርጓሜ፡ ስሙ፡ ኢይትሔዘብ፨
- ፊቅጦር፡ ይስሐቅ፡ ወልደ፡ ሮማኖስ፡ አብ፨
- እመስሕት፡ ዘግብረ፡ ዐመጻ፡ ጽጉብ፨
- ትዕቀበነ፡ ተማሕፀነ፡ በዋሕድ፡ ንባብ፨
-
- ሰላም፡ ለትንሣኤከ፡ ለዝህረ፡ መቅበርትከ፡ በዐውዳ፨
- አመ፡ ሐመደ፡ ኮነት፡ ወአመ፡ ትትወሐዳ፨
- አመ፡ ትመጽእ፡ ፊቅጦር፡ ምስለ፡ እግዚእከ፡ በዕለተ፡ ፍዳ፨
- ተዘኪረከ፡ ስምየ፡ በዘአቅረብኩ፡ ጋዳ፨
- ዐስበ፡ ሰላምየ፡ ለአክ፡ እስመ፡ ብየ፡ ዕዳ፨
-
- አምኃ፡ ሰላም፡ አቅረብኩ፡ ለኵሉ፡ መልክእከ፨
- ሠላሳ፡ ወክልኤ፡ መጠነ፡ ዐቅምየ፡ እንከ፨
- ተወኪፈከ፡ ፊቅጦር፡ በመንግሥተ፡ ሰማይ፡ ጽርሕከ፨
- በለኒ፡ ቅረብ፡ ኀበ፡ ዘሐነጽኩ፡ ለከ፨
- አምጣነ፡ ወልድየ፡ አንተ፡ ወአነ፡ አቡከ፨
- ተረፈ፡ መልክእ፡
-
- ሰላም፡ ለክሙ፡ ጻድቃነ፡ አብ፡ ወወላዲ፨
- ወመንፈስ፡ ቅዱስ፡ ዓዲ፨
- ኤዎስጣቴዎስ፡ ጻድቅ፡ ወወልድከ፡ አብሳዲ፨
- ዘካርያስ፡ ወሮማኖስ፡ ወተወልደ፡ መድኅን፡ ሰጋዲ፨
- ፊቅጦር፡ ጸዋሚ፡ ወማትያስ፡ ነጋዲ፨