Bibliography
Z
ሄኖክ ገብረ ሚካኤል, ed. ገድል፡ ወተአምር፡ ዘአቡነ ስምዖን ወመልክዐ፡ ደቂቀ አቡነ አብሳዲ። ግእዝ-ትግርኛ, ፳፻፲፭ ዓ/ም.
-
- በመሠረተ ቃል አንበርኩ ለሕንጻ ዝክርከ ስሞ፨
- ድኩመ ሕሊና ወልድከ በኀሢሥ ወአስተሐምሞ፨
- አስተፋጥነኒ ሮማኖስ ቢጸ ቡሩከ አምላክ ተደሞ፨
- ኢይጽዐል አፈ ጸዓሊ ብሂሎ ለለ፡ ጊዜ ይሬኢ ቀዊሞ፨
- ወጠነ ለሐኒጽ ወስእነ ፈጽሞ፨
-
- ሰላም ለዝክረ ስምከ ምሉአ ጸጋ ወሞገስ፨
- ዘእምነ መዓር ይጥዕም አምጣነ ዝንቱ ቅዱስ፨
- ቢጸ ፊልሞና ሮማኖስ መስተናብበ ዖፍ ሐዲስ፨
- አስተናብብ ልሳንየ ለስብሐቲከ ውዱስ፨
- ድርሳነ መልክእከ እጽሐፍ በዘእድ ክርታስ፨
-
- ሰላም ለመቃብሪከ መቃብረ አዳም አቡነ፨
- መፈውሰ ዱያን ዘኮነ፨
- ሮማኖስ ያዕቆብ እኅወ እግዚእነ፨
- በመቃብሪከ ተማሕፀነ ንሕነ፨
- በሥጋ ወነፍስ ረዳኤ ይኩነነ፨