Bibliography
Z
ሄኖክ ገብረ ሚካኤል, ed. ገድል፡ ወተአምር፡ ዘአቡነ ስምዖን ወመልክዐ፡ ደቂቀ አቡነ አብሳዲ። ግእዝ-ትግርኛ, ፳፻፲፭ ዓ/ም.
-
- ሰላም፡ ለዝክረ፡ ስምከ፡ ምስለ፡ ስመ፡ ወልድ፡ ዘተዛወገ፨
- ወግብረ፡ ተወልዶ፡ ኢኀደገ፨
- ተወልደ፡ መድኅን፡ አብሳዲ፡ እንተ፡ መሀረከ፡ ሕገ፨
- ዘካርያስ፡ ወልደ፡ አብሳዲ፡ ጽሩይ፡ ማይ፡ ዘኢተሀምገ፨
- እማየ፡ ጸሎት፡ ዘኖኅ፡ አኮኑ፡ ኢነትገ፨
-
- ሰላም፡ ለመቃብሪከ፡ በደብረ፡ ማርያም፡ ደብረ፡ ክሳሄ፨
- ዘይምዕዝ፡ እም፡ አፈወ፡ ርሔ፨
- ተወልደ፡ መድኅን፡ ግብርከ፡ እንተ፡ ያበዝኅ፡ ርኅራኄ፨
- ምርሐነ፡ ውስተ፡ ከብካብ፡ ወአምኀነ፡ እማኄ፨
- ከመ፡ በአፍአ፡ ኢንቁም፡ በዘይኴንን፡ ኤሎሄ፨
-
- ናሁ፡ ፈጸምኩ፡ አርብዓ፡ ወአርባዕተ፨
- ድርሳነ፡ መልክእከ፡ እጽሕፍ፡ ወዘቅዱሳን፡ ማሕሌተ፨
- ዘትቀውም፡ ቅድመ፡ ፈጣሪ፡ ተወልደ፡ መድኅን፡ አንተ፨
- አቁመነ፡ ለኃጥኣን፡ ምድረ፡ ቅዱሳን፡ ገነተ፨
- እስመ፡ ቃለ፡ ጽድቅከ፡ ነሥአ፡ ዘአበው፡ ርስተ፨
-
- ኦአምላከ፡ አቡነ፡ ተወልደ፡ መድኅን፨
- ዕቀበነ፡ ወአድኅነነ፡ እመከራ፡ ሥጋ፡ ምኑን፨
- ወእመከራ፡ ነፍስ፡ ዘደይን፨
- ከመ፡ ንድኀን፡ እምሐዘን፨
- ለአግብርቲከ፡ ምእመናት፡ ወምእመናን፨