Bibliography
Z
ሄኖክ ገብረ ሚካኤል, ed. ገድል፡ ወተአምር፡ ዘአቡነ ስምዖን ወመልክዐ፡ ደቂቀ አቡነ አብሳዲ። ግእዝ-ትግርኛ, ፳፻፲፭ ዓ/ም.
-
- መጽሔተ፡ አእምሮ፡ ስቅሊ፡ ለአንጻርየ፡ በፍጽሙ፨
- ዘያጤይቀኒ፡ መልክአ፡ በዐቅሙ፨
- ማርያም፡ ድንግል፡ ክሥቲ፡ ምስጢረ፡ ስሙ፨
- ለገነትኪ፡ ዘካርያስ፡ ለለጌሠሙ፡ ወዐሙ፨
- ምስለ፡ ቈጽል፡ ወፍሬ፡ ዘይትረከብ፡ ኦሙ፨
-
- ሰላም፡ ለዝክረ፡ ስምከ፡ እንዘ፡ አንተ፡ ሕፃን፨
- በስመ፡ ዘሰመየከ፡ አቡከ፡ ዘካርያስ፡ ቍርባን፨
- አብሳዲ፡ ብፁዕ፡ ሊቀ፡ ብፁዓን፨
- ይትቀዳሕ፡ እምውሳጤየ፡ በጽዋዐ፡ ንስቲት፡ ልሳን፨
- መልክአ፡ ውዳሴከ፡ ሜስ፡ ወዜናከ፡ ወይን፨
-
- ሰላም፡ ለኅሊናከ፡ መዝገበ፡ ይዋሄ፡ ዘረሰዮ፨
- ፈታኔ፡ ኅቡኣት፡ ክርስቶስ፡ ለባሕረ፡ ጠባይዕ፡ ዘይቀልዮ፨
- ዘካርያስ፡ ካህን፡ ሠራዬ፡ ኀጢአት፡ ወአሥተስርዮ፨
- ትነዝኀኒ፡ በአዛብከ፡ ወታጸርየኒ፡ አጽርዮ፨
- ዲበ፡ ፐፒራ፡ ለይ፡ ቅዳሕ፡ ታስተዳሉ፡ ማዮ፨
-
- ሰላም፡ ለመቃብሪከ፡ መካነ፡ ስብሐት፡ ወድልቅልቅ፨
- ደብረ፡ ማርያም፡ ቅድስት፡ እንተ፡ ትስመይ፡ በጽድቅ፨
- እንዘ፡ ዘካርያስ፡ አበ፡ ሥነ፡ ሥርጋዌሁ፡ መብረቅ፨
- ዕንቍ፡ ውስጣ፡ ወዴዴያቲሃ፡ ዘወርቅ፨
- እስመ፡ በውሳጤሃ፡ ተቀብሩ፡ ኅሩያን፡ ደቂቅ፨
-
- መኑ፡ እምሰብእ፡ ጽንዐ፡ ሕሊናሁ፡ ዘኢሰበረ፨
- በሰሚዐ፡ ገድልከ፡ ዝንቱ፡ ወኢበከየ፡ መሪረ፨
- ዘካርያስ፡ መጋቢ፡ ዘሀይማኖትከ፡ ተነክረ፨
- አንብረኒ፡ ውስተ፡ ሕፅንከ፡ ከመ፡ ይተሉ፡ አእጋረ፨
- ወጽላሎት፡ ዘይተሉ፡ ድኅረ፨
-
- አስቆቀወት፡ አባ፡ ልብሰ፡ ብልባሌ፡ ቀኒታ፨
- ነፍስየ፡ ዕጓለ፡ ማውታ፨
- ዘካርያስ፡ መርዓዊ፡ ለመርዓት፡ ሥርጋዌ፡ ቤታ፨
- አንተኬ፡ ለትፍሥሕትነ፡ ኃሤታ፨
- ወለዓለምነ፡ ኪያከ፡ ማኅቶታ፨
-
- ለዛቲ፡ አስትአ፡ ውዳሴከ፡ እንበለ፡ አሌዕል፡ መጠና፨
- ዘካርያስ፡ ቅድሜከ፡ ዘአቅረብኩ፡ ዘምስለ፡ ትሕትና፨
- ተወከፋ፡ አባ፡ ወኢትመንና፨
- አብሰ፡ እንበይነ፡ ንስቲት፡ ቀኖና፨
- ለፅሩዕ፡ ወልድ፡ ይሁቦ፡ ምዝጋና፨