Details
-
- ሰላም፡ ለዝክረ፡ ስምከ፡ ምስለ፡ ስመ፡ ድንግል፡ ዘተቶስሐ፨
- ወለሥዕርትከ፡ ጸሊም፡ እንተ፡ እመጠኑ፡ ኢኖኀ፨
- በኵረ፡ ድንግል፡ ዜናከ፡ እስከ፡ አጽናፈ፡ ምድር፡ በጽሐ፨
- አስተሥሪ፡ ኀጢአትየ፡ ወወሀበኒ፡ ንስሓ፨
- እስመ፡ እምንእስየ፡ ጌጋይየ፡ በዝኀ፨
-
- ሰላም፡ ለመቃብሪከ፡ ለመቃብረ፡ ክርስቶስ፡ አምሳሊሁ፨
- ሕይወተ፡ ሥጋ፡ ወነፍስ፡ አመ፡ ይውሕዝ፡ ዲቤሁ፨
- በኵረ፡ ድንግል፡ ይምጻእ፡ ለሐውጾትነ፡ ናሁ፨
- እንዘ፡ ብፁዐ፡ አምላክ፡ የሐውር፡ ቅድሜሁ፨
- ወበኵረ፡ ድንግል፡ ይተሉ፡ ድኅሬሁ፨
-
- አምኃ፡ ሰላም፡ አቅረብኩ፡ በጽዋዔ፡ ወበክላህ፨
- እንዘ፡ ነገሩ፡ ኅዳጥ፡ ወአኮ፡ ብዙኅ፨
- በኵረ፡ ድንግል፡ ኄር፡ እንበለ፡ ኵነነ፡ ወፍትሕ፨
- ሀበነ፡ ለደቂቅከ፡ ንዋየ፡ በረከት፡ ንጹሕ፨
- እስመ፡ ለውሂብ፡ እዴከ፡ ስፉሕ፨
-
- ስብሐት፡ ይደሉ፡ ለአምላኪየ፡ ክርስቶስ፨
- ዘአለበወኒ፡ ዘንተ፡ ስብሐተ፡ ገብሩ፡ ቅዱስ፨
- በኵረ፡ ድንግል፡ ሀበኒ፡ እምዘዚአከ፡ ልብስ፨
- ወኢታርኅቀኒ፡ እመንበርከ፡ ሐዲስ፨
- እስመ፡ ብየ፡ ክብር፡ ወብየ፡ ሞገስ፨